Doktorsnemi á Menntavísindasvið

Doktorsnemi á Menntavísindasviði - Karlar og ofbeldi í nánum samböndum: Reynsla, viðhorf og feðrun

Laus er til umsóknar staða fyrir doktorsnema á Menntavísindasviði. Um er að ræða vinnu við verkefnið Karlar og ofbeldi í nánum samböndum: Reynsla, viðhorf og feðrun (Men¿s perspectives on violence against their female partners: Subjectification, fathering and masculinity). Doktorsverkefnið er styrkt af Rannsóknarsjóði Íslands til 3 ára. 

Helstu verkefni og ábyrgð
Nemandinn mun vinna undir leiðsögn dr. Jóns Ingvars Kjaran, dósent við Menntavísindasvið Háskóla Íslands, deild Menntunar og margbreytileika. Meginmarkmið verkefnisins er að auka þekkingu á ofbeldi í nánum samböndum með því að skoða reynsluheim íslenskra karla sem beitt hafa maka sína ofbeldi. Verkefnið mun hafa þrjú meginmarkmið: þekkingarfræðilegt, fræðilegt og hagnýtt sem tengjast fimm megin rannsóknarspurningum sem fjalla m.a. um: feðrun, reynslu karla sem beita maka sína ofbeldi, stuðning og úrræði. Tekin verða eigindleg viðtöl við karla sem beitt hafa maka sína ofbeldi, en einnig viðtöl við aðila og félagsráðgjafa sem vinna að þessum málaflokki. Þar að auki verður fjölmiðlaefni og dómar Hæstaréttar um nálgunarbann orðræðu- og innihaldsgreindir. Skyldur doktorsnemans felast í gagnasöfnun, skráningu og greiningu gagna og fræðilegum skrifum ásamt leiðbeinanda og öðrum sem tengjast verkefninu. Einnig er gert ráð fyrir að doktorsnemi komi að öflun frekari styrkja vegna rannsóknarinnar. 

Hæfnikröfur
Umsækjendur þurfa að hafa meistarapróf á sviði hug- eða félagsvísinda. Jafnframt er æskilegt að viðkomandi hafi góðan kynjafræðilegan bakgrunn. Æskilegt er að nemendur hafi góð tök á ólíkum aðferðafræðilegum nálgunum á borð við sögulega orðræðugreiningu, krítíska orðræðugreiningu, skjalagreiningu ásamt öðrum nálgunum innan eigindlegra rannsókna. Skilyrði er að nemandi sé fullfær um að skrifa, lesa og tjá sig á ensku og íslensku. Jafnframt er æskilegt að umsækjandi að hafa góða þekkingu á einu af Norðurlandatungumálunum, þar sem talsverð samvinna gæti orðið við aðra Norræna háskóla. Reynsla af kennslu og/eða öðrum fagstörfum í grunn- eða framhaldsskóla er æskileg. Jafnframt þarf umsækjandi að hafa góða samskiptahæfni og geta unnið sjálfstætt.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Vinsamlega skilið inn eftirfarandi gögnum með umsókninni: 
>> Greinargerð þar sem umsækjandi lýsir hvernig hann uppfyllir skilyrði umsóknarinnar, hvers vegna hann hefur áhuga á að vinna þetta verkefni og hugmyndir umsækjanda um sitt framlag til verkefnisins (hámark 2 síður) 
>> Ferilskrá (CV) 
>> Prófskírteini 
>> Nöfn tveggja meðmælenda (nafn, tengsl við umsækjenda, tölvupóstfang og símanúmer) 

Gert er ráð fyrir að umsækjandi geti hafið störf við verkefnið 15. ágúst 2019. 
Umsækjandinn sem verður fyrir valinu sækir, í samráði við væntanlegan leiðbeinanda, um inntöku í doktorsnám við Háskóla Íslands áður en tekin er formleg ákvörðun um ráðningu í verkefnið. Tekið er við umsóknum utan hefðbundins umsóknartímabils doktorsnáms og umsækjandanum verður leiðbeint í gegnum ferlið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: https://www.hi.is/node/303261#markmid2 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. 
Háskóli Íslands er stærsta kennslu-, rannsókna- og vísindastofnun Íslands og er í hópi 300 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 15.03.2019

Nánari upplýsingar veitir
Jón Ingvar Kjaran - [email protected] - 525 5905
Lára Rún Sigurvinsdóttir - [email protected] - 525 5905

Háskóli Íslands
Deild menntunar og margbreytileika
Stakkahlíð
105 Reykjavík

Smelltu hér til að sækja um starfið