Geðlæknir Geðheilstuteymi HH suður
Geðlæknir Geðheilstuteymi HH suður
Heilsugæsla höfuðborgarsvæðisins auglýsir eftir sérfræðingi í geðlækningum við Geðheilsuteymi suður sem er nýtt þverfaglegt geðheilsuteymi ætlað íbúum í Kópavogi, Garðabæ og Hafnarfirði. Um er að ræða framtíðarstarf með 80-100% starfshlutfalli. Möguleiki er á lægra starfshlutfalli í byrjun sem færi hækkandi þegar líður á uppbyggingu teymisins. Við Geðheilsuteymið starfa geðlæknir, hjúkrunarfræðingar, sálfræðingur, fjölskyldufræðingur, félagsráðgjafi, iðjuþjálfi, íþróttafræðingur, þjónustufulltrúi og notendafulltrúar.
Æskilegt er að viðkomandi geti hafið störf 1. desember eða eftir nánara samkomulagi.
Ef þú hefur áhuga á að taka þátt í að byggja upp nýtt teymi sem sinnir samfélagsgeðþjónustu, þá er þetta spennandi tækifæri. Unnið er eftir hugmyndafræði valdeflingar þar sem einstaklingsmiðuð þjónusta ýtir undir styrkleika og bjargráð notanda og þjónustan fer fram á þeirra heimasvæði.
Helstu verkefni og ábyrgð
- Vinna í þverfaglegu geðheilsuteymi
- Viðtöl á starfsstöð eða heimavitjanir
- Yfirumsjón með geðlæknis- og geðlyfjameðferð notenda teymis
- Ráðgjöf og fræðsla til starfsmanna teymis
- Fræðsla til notenda og aðstandenda
- Skipuleggja og veita þjónustu sem þörf er á hverju sinni
- Samvinna við starfsfólk heilsugæslustöðva, þjónustustöðva, geðsviðs Landspítala og annarra stofnana
Hæfnikröfur
- Íslenskt sérfræðileyfi í geðlækningum
- Reynsla af vinnu í samfélagsgeðþjónustu er kostur
- Reynsla af uppbyggingu og þróun nýrrar þjónustu er kostur
- Reynsla af vinnu í heilsugæslu er kostur
- Breið þekking og reynsla í geðlækningum
- Reynsla af vinnu í geðendurhæfingu er kostur
- Hæfni og áhugi á teymis- og verkefnavinnu
- Jákvæðni, sveigjanleiki og lipurð í samskiptum
- Góð íslenskukunnátta er nauðsynleg
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.
Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. Jafnframt skal fylla út eyðublaðið "Umsókn um læknisstöðu" og setja það í viðhengi. Umsóknareyðublaðið má nálgast á vef Embættis landlæknis (www.landlaeknir.is) undir útgefið efni. Allar umsóknir eru sendar til stöðunefndar hjá Embætti landlæknis.
Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.
Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80 - 100%
Umsóknarfrestur er til og með 02.09.2019
Nánari upplýsingar veitir
Íris Dögg Harðardóttir - [email protected] - 821-2161
Sigríður Dóra Magnúsdóttir - [email protected] - 513-5015
Heilsugæsla höfuðborgarsvæðisins
Geðheilsuteymi suður
Álfabakki 16
109 Reykjavík
Smelltu hér til að sækja um starfið