Kerfisstjóri

Einkaleyfastofan - kerfisstjóri

Einkaleyfastofan leitar eftir metnaðarfullum aðila í starf kerfisstjóra. Kerfisstjóri heyrir undir sviðsstjóra rekstrarsviðs. Um er að ræða tímabundið starf í 8 mánuði vegna afleysinga og er æskilegt að viðkomandi geti hafið störf 2. janúar 2019. Starfshlutfall er 100%.
 
Helstu verkefni:
• Daglegur rekstur net-, síma- og tölvukerfa
• Uppsetning á vél- og hugbúnaði 
• Stofnun og viðhald notenda í rafrænum kerfum
• Umsjón með afritun og varðveislu rafrænna gagna
• Ráðgjöf og stuðningur við stjórnendur og starfsmenn á sviði tölvu- og tæknimála
• Tengiliður við þjónustuaðila
• Önnur tilfallandi verkefni

Helstu hæfnikröfur:
• Menntun í kerfisstjórn eða sambærileg menntun
• Færni og lipurð í mannlegum samskiptum
• Jákvæðni, frumkvæði og drifkraftur
• Hæfni til að vinna í hópi
• Sjálfstæði og nákvæmni í vinnubrögðum
• Hæfni til að tjá sig í ræðu og riti
• Góð íslensku- og enskukunnátta

Laun taka mið af kjarasamningi ríkisins við viðeigandi stéttarfélag. Upplýsingar um starfið veitir Elfa Íshólm Ólafsdóttir sviðsstjóri rekstrarsviðs í síma 580 9400.

Umsóknarfrestur er til 3. desember 2018.

Ekki er um sérstök umsóknareyðublöð að ræða. Umsókn með upplýsingum um menntun og starfsferil sendist Einkaleyfastofunni, Engjateigi 3, 105 Reykjavík, á netfangið [email protected].

Öllum umsóknum verður svarað þegar ákvörðun um ráðningu liggur fyrir.