Hoppa yfir valmynd
HeilbrigðisþjónustaHöfuðborgarsvæðiðLandspítali

Félagsráðgjafi á öldrunarlækningadeildir Landspítala

Félagsráðgjafi á öldrunarlækningadeildir Landspítala

Við leitum eftir öflugum félagsráðgjafa til starfa á öldrunarlækningadeildir Landspítala/ Landakoti. Starfshlutfall er 100%dagvinna og æskilegt er að umsækjandi geti hafið störf sem allra fyrst. 

Félagsráðgjafi er mikilvægur hlekkur í fjölfaglegu teymi heilbrigðisstarfsmanna á Landakoti sem sinna lækningu og endurhæfingu á legu- og göngudeildum. 

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.  

Helstu verkefni og ábyrgð

Á öldrunarlækningadeildum er veitt sérhæfð heilbrigðisþjónusta fyrir aldraða einstaklinga þar sem félagsráðgjafar vinna í þverfaglegum teymum, sinna félagsráðgjafameðferð og veita einstaklingum og aðstandendum þeirra ráðgjöf og stuðning. 

Hæfniskröfur

  • Íslenskt starfsleyfi félagsráðgjafa er skilyrði
  • Fjölbreytt starfsreynsla á sviði félags- og/ eða heilbrigðisþjónustu
  • Áhugi og þekking á málefnum aldraðra
  • Frumkvæði, framsýni og framúrskarandi samskiptahæfni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta og eru þar af 50 félagsráðgjafar. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, félagsráðgjafi

Starfshlutfall er 100%

Umsóknarfrestur er til og með 25.10.2021

Nánari upplýsingar veitir

Gunnlaug Thorlacius - [email protected] - 543 4452/ 825 5071
Margrét Albertsdóttir - [email protected] - 825 9323

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira