Hoppa yfir valmynd
Kennsla og rannsóknir

Lektor í uppeldis- og menntunarfræði. Háskóli Íslands, Menntavísindasvið

Lektor í uppeldis- og menntunarfræði. Háskóli Íslands, Menntavísindasvið

Laust er til umsóknar fullt starf lektors í uppeldis- og menntunarfræði við Menntavísindasvið Háskóla Íslands. Meginviðfangsefni lektorsins eru kennsla og rannsóknir í uppeldis- og menntunarfræði og á starfsvettvangi uppeldis- og menntunarfræðinga.

Helstu verkefni og ábyrgð

  • Kennsla á grunn- og meistarastigi í uppeldis- og menntunarfræði, meðal annars í inngangsnámskeiðum og almennum námskeiðum fræðigreinarinnar.
  • Leiðsögn með grunnnemum og framhaldsnemum.
  • Rannsóknir á fræðasviði uppeldis- og menntunarfræði.
  • Samstarf við annað fræðafólk innan námsbrautarinnar, Deildar menntunar og margbreytileika og Menntavísindasviðs.
  • Samstarf við starfsvettvang uppeldis- og menntunarfræðinga, bæði innanlands og á alþjóðlegum vettvangi.

Hæfnikröfur

  • Umsækjendur skulu hafa lokið doktorsprófi í uppeldis- og menntunarfræði. Umsækjendur með BA- eða MA-próf í uppeldis- og menntunarfræði en með doktorspróf í einhverri af stoðgreinum fræðasviðsins, svo sem félagsfræði, heimspeki, sálfræði, kynjafræði eða mannfræði, koma einnig til álita.
  • Reynsla af háskólakennslu er æskileg.
  • Rík áhersla er lögð á að sá sem starfið hlýtur hafi góða færni í kennslu og rannsóknum, og hafi skýra framtíðarsýn um hlutverk sitt í kennslu og rannsóknum á sviðinu.
  • Krafist er góðrar samstarfshæfni og lipurðar í mannlegum samskiptum. Horft verður til þess að umsækjendur falli sem best að aðstæðum og þörfum sviðsins í heild.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Gert er ráð fyrir að ofangreint starf verði veitt frá 1. júlí 2021 eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna munu fjalla. Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform og framtíðarsýn ef til ráðningar kemur. Umsækjandi skal tilgreina veigamestu ritverk sín, allt að átta talsins, með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skal fylgja greinargerð höfunda fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Umsókn og umsóknargögnum, sem ekki er skilað rafrænt, skal skila í tvíriti til Vísinda- og nýsköpunarsviðs Háskóla Íslands, Sæmundargötu 6, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Umsóknir geta gilt í allt að sex mánuði frá lokum umsóknarfrests. Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009. Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.

  • Vinnutímaskipulag: Dagvinna
  • Starfshlutfall: 100%
  • Starfssvið: Kennsla og rannsóknir
  • Stéttarfélag: Félag háskólakennara
  • Umsóknarfrestur er til: 04.12.2020

Nánari upplýsingar veitir

Ingólfur Ásgeir Jóhannesson - [email protected] - 525 5523
Lára Rún Sigurvinsdóttir - [email protected] - 525 5905

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira