Hoppa yfir valmynd
Kennsla og rannsóknir

Lektor í leikskólafræði

Lektor í leikskólafræði

Háskólinn á Akureyri auglýsir lausa 100% stöðu lektors í leikskólafræði við kennaradeild hug- og félagsvísindasviðs.

Helstu verkefni og ábyrgð

Helstu verkefni eru kennsla á bakkalár- og meistarastigi og rannsóknir á sviði leikskólafræði. Næsti yfirmaður er deildarformaður kennaradeildar. Starfsstöð er á Akureyri. Miðað er við að viðkomandi geti hafið störf 1. ágúst 2021. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar. Við kennaradeild HA er boðið upp á nám í kennarafræði (B.Ed.), meistaranám til kennsluréttinda (M.Ed. og MT) og rannsóknartengt meistaranám (MA) í menntavísindum. Nemendur við deildina eru um 420 og 19 kennarar í 17 stöðugildum. Leitað er eftir háskólakennara sem getur kennt námskeið í leikskólafræði og stundað rannsóknir á því fræðasviði. Mikilvægt er að umsækjendur taki virkan þátt í daglegu akademísku samfélagi háskólans og nærsamfélagsins á Norðurlandi.

Hæfnikröfur

- Umsækjandi skal hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með doktorsprófi frá viðurkenndum háskóla eða með áliti dómnefndar. - Nauðsynlegt er að umsækjandi hafi leyfisbréf til kennslu og reynslu af kennslu í leikskóla. - Kennslureynsla á háskólastigi telst æskileg og birtingar á ritrýndum vettvangi eru nauðsynlegar. - Krafist er góðrar hæfni í mannlegum samskiptum og skipulagshæfni. - Við mat á umsóknum er tekið mið af hversu vel viðkomandi uppfyllir þarfir kennaradeildar. - Gott vald á íslensku og ensku er nauðsynlegt. Umsókn skal fylgja: - Greinargóð skýrsla um náms- og starfsferil, fræðistörf og kennslureynslu. - Staðfest afrit af öllum viðeigandi prófskírteinum. - Greinargerð um fyrirhugaðar rannsóknaráherslur og kennslusvið ef til ráðningar kæmi. - Umsagnir um kennslu- og stjórnunarstörf umsækjanda eftir því sem við á. - Tilnefna skal þrjá meðmælendur, æskilegt er að einn þeirra sé næsti yfirmaður í núverandi starfi eða fyrra starfi umsækjanda. - Þær fræðilegu ritsmíðar sem umsækjandi telur sín bestu verk (allt að þremur ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga nr. 85/2008 um opinbera háskóla, reglur nr. 387/2009 fyrir Háskólann á Akureyri með áorðnum breytingum og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Háskólinn á Akureyri áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu í starfið hefur verið tekin.

  • Vinnutímaskipulag: Dagvinna
  • Starfshlutfall: 100%
  • Starfssvið: Kennsla og rannsóknir
  • Stéttarfélag: Félag háskólakennara á Akureyri
  • Umsóknarfrestur er til: 03.12.2020

Nánari upplýsingar veitir

Kristín Margrét Jóhannsdóttir - [email protected] - 4608583
Elín Díanna Gunnarsdóttir - [email protected] - 4608670

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira