Hoppa yfir valmynd
Heilbrigðisþjónusta

Heilbrigðisstarfsmaður - Spennandi tækifæri til fjölbreyttrar fagmennskuþróunar

Heilbrigðisstarfsmaður - Spennandi tækifæri til fjölbreyttrar fagmennskuþróunar

Heilbrigðisstarfsmaður óskast til starfa í samfélagsgeðteymi göngudeildar geðþjónustu. Starfið býður upp á mörg spennandi tækifæri til starfsþróunar. Starfshlutfall er 80-100%, dagvinna að mestu og er starfið laust frá 1. janúar 2021 eða eftir samkomulagi. Samfélagsgeðteymi er þverfaglegt teymi sem sinnir einstaklingum með alvarlegar geðraskanir og er hluti þeirra með tvíþættan vanda; geðrænan vanda og vímuefnavanda. Í teyminu starfa læknar, hjúkrunarfræðingar, félagsráðgjafar, sálfræðingar, sjúkraliðar og ráðgjafar. Náið samstarf og samvinna er við velferðarþjónustu sveitafélaga, heilsugæslu og geðheilsuteymi heilsugæslunnar. Teymið þjónustar um 130 einstaklinga hverju sinni. Unnið er fjölbreytt og sérhæft starf við að veita fólki sem greinst hefur með alvarlegar geðraskanir og aðstandendum þeirra fjölfaglega og einstaklingsmiðaða þjónustu. Þjónustan byggir á batamiðaðri hugmyndafræði og skaðaminnkun. Markmiðið er að aðstoða fólk við að rjúfa félaglega einangrun og hvetja til virkrar þátttöku og ábyrgðar á eigin bata. Starfsemin er í stöðugri þróun og lögð er áhersla á virkt umbótastarf.

Helstu verkefni og ábyrgð

  • Málastjórnun og þverfaglegt samstarf
  • Virk þátttaka í fjölfaglegri þjónustu og meðferð einstaklinga og aðstandenda
  • Virk þátttaka í framþróun, uppbyggingu þjónustunnar og umbótastarfi
  • Ýmis fjölþætt verkefni sem starfsemi deildarinnar felur í sér

Hæfnikröfur

  • Heilbrigðismenntun sem nýtist í starfi, t.d. á sviði hjúkrunarfræði, félagsráðgjafar, iðjuþjálfunar og sálfræði
  • Faglegur metnaður og ábyrgð í starfi sem og einlægur áhugi á að þjónusta og sinna einstaklingum með geðsjúkdóma
  • Framúrskarandi samskiptahæfni er skilyrði sem og leiðtogahæfileikar
  • Jákvætt hugarfar, metnaður og áhugi á að starfa í þverfaglegu teymi
  • Stundvísi og áreiðanleiki
  • Færni til að skipuleggja og forgangsraða verkefnum
  • Færni til að hafa góða yfirsýn yfir fjölþætt störf teymisins
  • Góð íslensku- og enskukunnátta er skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu Landspítala við ráðningar á spítalanum og eru bæði karlar og konur hvött til að sækja um starfið. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Dagvinna
  • Starfshlutfall: 80-100%
  • Starfssvið: Heilbrigðisþjónusta
  • Umsóknarfrestur er til: 04.12.2020

Nánari upplýsingar veitir

Jón Ólafur Ólafsson - [email protected] - 824 1322
Júlíana Guðrún Þórðardóttir - [email protected] - 897 5309

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira