Hoppa yfir valmynd
Heilbrigðisþjónusta

Heilbrigðisstofnun Norðurlands Norður-Þingeyjasýslu, Hjúkrunarfræðingur

Heilbrigðisstofnun Norðurlands Norður-Þingeyjasýslu, Hjúkrunarfræðingur

Heilbrigðisstofnun Norðurlands (HSN) óskar eftir að ráða hjúkrunarfræðinga á heilsugæslurnar á Kópaskeri, Raufarhöfn og Þórshöfn. Um afleysingarstörf er að ræða frá 1. janúar - 31. desember 2021 eða eftir nánara samkomulagi. HSN getur útvegað starfsmanninum húsnæði á Þórshöfn eða Kópaskeri. Hjúkrunarfræðingur á Þórshöfn sinnir bakvakt hluta mánaðar.

Helstu verkefni og ábyrgð

Helstu verkefni eru: - Móttaka á heilsugæslustöð - Heimahjúkrun - Skólahjúkrun - Ungbarnavernd - Tilfallandi verkefni á heilsugæslu.

Hæfnikröfur

- Fullgilt hjúkrunarpróf og íslenskt starfsleyfi. - Starfsreynsla frá heilsugæslu æskileg. - Frumkvæði og sjálfstæði í vinnubrögðum. - Jákvæðni, sveigjanleiki og góðir samskiptahæfileikar. - Íslenskukunnátta nauðsynleg. - Almenn tölvukunnátta.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Á staðnum er bæði leik- og grunnskóli (grunnskóli í Lundi fyrir Kópasker). Á Þórshöfn búa um 360 manns. Þar er auk leik- og grunnskóla starfandi deild úr Framhaldsskólanum á Laugum. Aðalatvinnuvegurinn á Þórshöfn hefur verið útgerð og fiskvinnsla. Þar er öll helsta þjónusta, s.s. verslun, veitingastaður, íþróttahús, sundlaug, sparisjóður, bensínstöð, bílaverkstæði, gistihús o.fl. Flogið er á milli Þórshafnar og Akureyrar alla virka daga. Á Kópaskeri búa um 120 manns. Þar er dagvöruverslun, bifreiðaverkstæði, vörufafgreiðsla flutningabíla, starfsstöð RARIK, útibú Landsbankans, pósthús, sláturhúsið Fjallalamb, ýmis verktakaþjónusta og önnur þjónusta auk þess sem örstutt er á fengsæl fiskimið. Raufarhöfn er nyrsta kauptún landsins og þar búa um 170 manns. Á staðnum er útgerð, véla- og trésmíðaverkstæði, verslun, glæsilegt hótel, Rannsóknarstöðin Rif, útibú Landsbankans, pósthús og íþróttahús með sundlaug svo eitthvað sé nefnt. 43 km eru á milli Kópaskers og Raufarhafnar. 97 km eru frá Húsavík til Kópaskers. Um 70 km eru á milli Kópaskers og Þórshafnar og Raufarhafnar og Þórshafnar. Stutt er í eina helstu náttúruperlu landsins, Vatnajökulsþjóðgarð, þar sem eru m.a. Ásbyrgi, Hljóðaklettar, Jökulsárgljúfur og Dettifoss. Öllum umsóknum verður svarað. Áskilinn er réttur til að hafna umsóknum ef einstaklingar uppfylla ekki framangreind skilyrði. Tóbaksnotkun og notkun á rafsígarettum er ekki heimil á vinnutíma innan HSN. Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi.

  • Vinnutímaskipulag: Dagvinna
  • Starfshlutfall: 80-100%
  • Starfssvið: Heilbrigðisþjónusta
  • Stéttarfélag: Félag íslenskra hjúkrunarfræðinga
  • Umsóknarfrestur er til: 25.11.2020

Nánari upplýsingar veitir

Áslaug Halldórsdóttir - [email protected] - 464 0500 / 860 7736

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira