Hoppa yfir valmynd
Heilbrigðisþjónusta

Yfirlæknir endurhæfingarlækninga á Landspítala

Yfirlæknir endurhæfingarlækninga á Landspítala

Laus er til umsóknar staða yfirlæknis endurhæfingarlækninga á Grensási sem tilheyrir meðferðarsviði Landspítala. Starfshlutfall er 100% og veitist staðan frá 1. janúar 2021 eða eftir nánara samkomulagi. Yfirlæknir endurhæfingarlækninga er yfirmaður sérgreinarinnar og er leiðandi um læknisfræðileg málefni innan endurhæfingar. Hann ber ábyrgð á þróun endurhæfingarlækninga. Hann skipuleggur vinnufyrirkomulag, mönnun og setur fram markmið um kennslu og rannsóknir innan sérgreinarinnar. Gerð er krafa um helgun í starfi.

Helstu verkefni og ábyrgð

Á Grensási er veitt sérhæfð heilbrigðisþjónusta fyrir fjölbreyttan hóp sjúklinga sem eiga það sameiginlegt að hafa tapað færni tímabundið eða varanlega vegna slysa eða veikinda. Áhersla er lögð á virka teymisvinnu, góða þjónustu og stöðugar umbætur í þágu sjúklinga. Yfirlæknir hefur þríþætta ábyrgð sem stjórnandi; þ.e.a.s. faglega ábyrgð, starfsmannaábyrgð og rekstrarábyrgð í samráði við framkvæmdastjóra meðferðarsviðs og forstöðumann lyflækninga- og endurhæfingarþjónustu. Auk þess gegnir yfirlæknir mikilvægu hlutverki í kennslumálum og uppbyggingu vísindastarfs.

Hæfnikröfur

  • Íslenskt sérfræðileyfi í endurhæfingarlækningum
  • Leiðtogahæfileikar og hæfni til að leiða umbótastarf og breytingar
  • Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð
  • Reynsla af kennslu og vísindastörfum og sýn til framtíðar á þeim sviðum
  • Jákvætt viðmót og framúrskarandi hæfni í mannlegum samskiptum
  • Frumkvæði og metnaður til að ná árangri

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu Landspítala við ráðningar á spítalanum. Nauðsynleg fylgiskjöl: a) Vottað afrit af prófskírteinum. b) Afrit af lækninga- og sérfræðileyfum sem og vottuð afrit af erlendum leyfum (ef við á). c) Staðfesting á læknis-, stjórnunar- og kennslustörfum. d) Ferilskrá þar sem tilgreind er reynsla af læknis-, kennslu-, vísinda- og stjórnunarstörfum. e) Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð á síðuna eða senda staðfestingu á birtum greinum á PubMed. f) Afrit af umsókn um læknisstöðu hjá Embætti Landlæknis, sjá hlekk á umsókn hér fyrir neðan. g) Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni. Allar umsóknir eru sendar til stöðunefndar lækna skv. 36. gr. laga um heilbrigðisþjónustu, sem hefur aðsetur hjá Embætti landlæknis. Viðtöl verða höfð við umsækjendur og byggist ákvörðun um ráðningu í starfið einnig á þeim auk mati stöðunefndar á innsendum umsóknargögnum. Öllum umsóknum verður svarað. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Dagvinna
  • Starfshlutfall: 100%
  • Starfssvið: Heilbrigðisþjónusta
  • Stéttarfélag: Læknafélag Íslands
  • Umsóknarfrestur er til: 01.12.2020

Nánari upplýsingar veitir

Runólfur Pálsson - [email protected] - 543 6461
Guðlaug Rakel Guðjónsdóttir - [email protected] - 543 2270

Ath. fylla skal út umsókn um læknisstöðu hér hjá Embætti landlæknis

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira