Hoppa yfir valmynd
Sérfræðistörf

Sérfræðingur - Rannsóknardeild

Sérfræðingur - Rannsóknardeild

Við embætti lögreglustjórans á Suðurnesjum er laust til umsóknar starf sérfræðings í fjármálagreiningu í rannsóknardeild embættisins.

Hlutverk embættis lögreglustjórans á Suðurnesjum er hvers kyns löggæsla, landamæraeftirlit, rannsóknir lögreglumála og sakamála. Lögreglustjóraembættið á Suðurnesjum er annað stærsta lögregluembætti landsins en starfssvæðið þess er allt Reykjanesið. Verkefni embættisins eru afar fjölbreytt og krefjandi. Embættið vann stefnumótunarvinnu 2019 þar sem eitt af markmiðum þess er að vera eftirsóknarverðasta lögregluembætti landsins. Hjá embættinu starfa um 170 manns á þremur starfsstöðvum. Aðalskrifstofa embættisins er að Brekkustíg 39, Reykjanesbæ. Hlutverk rannsóknardeildar embættisins er að sinna rannsóknum flókinna sakamála sem nánast án undantekninga krefst rannsóknar á fjármálagögnum m.a. peningaþvættisrannsóknir.

Helstu verkefni og ábyrgð

Gerð fjármálagreininga í rannsóknum sakamála undir stjórn lögreglufulltrúa í rannsóknardeild Samstarf við rannsóknarlögreglumenn í fjármálatengdum rannsóknum Samskipti við fjármálastofnanir og gagnaöflun, Undirbúningur og aðstoð við framkvæmd skýrslutaka Skjölun, skrásetning gagna og aðstoð við frágang mála. Önnur verkefni sem honum er falið af næsta yfirmanni.

Hæfnikröfur

  • Háskólapróf í viðskiptafræði eða sambærileg menntun er skilyrði.
  • Reynsla af gerð fjármálagreininga vegna rannsókna á peningaþvætti er skilyrði
  • Þekking og færni til að greina gögn og upplýsingar skilyrði.
  • Reynsla og góð færni í LÖKE er kostur.
  • Þekking á starfsemi fyrirtækja, fjármálamarkaði og fjármálahugtökum er kostur.
  • Reynsla af undirbúningi og framkvæmda á skýrslutökum við rannsóknir sakamála er kostur.
  • Reynsla af færslu bókhalds, gerð skattframtala og uppsetningu ársreikninga er kostur.
  • Sjálfstæði í vinnubrögðum og góð hæfni í mannlegum samskiptum.
  • Frumkvæði og metnaður til að ná árangri í starfi.
  • Góð skipulagshæfni og sjálfstæði í starfi.
  • Góð kunnátta í íslensku og ensku, og hæfni til að miðla upplýsingum í rituðu og töluðu máli.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsókn skal fylgja ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum. Umsóknarfrestur er til og með 26. nóvember n.k. og sækja skal um stöðuna með rafrænum hætti á vef Starfatorgs, www.starfatorg.is. Æskilegt er að viðkomandi geti hafið störf 1. janúar 2021. Starfshlutfall er 100% og heyrir starfið undir lögreglufulltrúa í rannsóknardeild. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin. Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.Umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna nr. 1000/2019 um auglýsingar á lausum störfum, sem settar eru samkvæmt heimild í 3. mgr. 7. gr. laga nr. 70/1996 um réttindi og skyldur starfsmanna ríkisins. Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um.

  • Vinnutímaskipulag: Dagvinna
  • Starfshlutfall: 100%
  • Starfssvið: Sérfræðistörf
  • Umsóknarfrestur er til: 27.11.2020

Nánari upplýsingar veitir

Bjarney Sólveig Annelsdóttir - [email protected] - 4442200
Stefán Sveinsson - [email protected] - 4442200

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira