Hoppa yfir valmynd
Heilbrigðisþjónusta

Hjúkrunarfræðingur/ dagvinna á dag- og göngudeild blóð- og krabbameinslækninga

Hjúkrunarfræðingur/ dagvinna á dag- og göngudeild blóð- og krabbameinslækninga

Hjúkrunarfræðingur með áhuga á krabbameinshjúkrun óskast til starfa á dag- og göngudeild blóð- og krabbameinslækninga við Hringbraut. Við bjóðum jafnt velkominn hjúkrunarfræðing sem býr yfir þekkingu og reynslu sem og nýútskrifaðan hjúkrunarfræðing. Í boði er góð einstaklingsmiðuð aðlögun undir leiðsögn reyndra hjúkrunarfræðinga. Einstakt tækifæri til að þróa með sér mikla faglega þekkingu og hæfni í sjálfstæðum vinnubrögðum. Unnið er í dagvinnu og er upphafsdagur starfs samkomulag. Deildin þjónar einstaklingum með blóðsjúkdóma og krabbamein. Á deildinni starfa um 40 manns, þar af um 25 hjúkrunarfræðingar sem eru með fjölbreytta menntun og reynslu að baki. Verkefnin eru fjölbreytt og krefjandi og er unnið í nánu samstarfi við fagfólk í öðrum sérgreinum og á öðrum deildum spítalans. Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).

Helstu verkefni og ábyrgð

  • Ber ábyrgð á hjúkrun, ráðgjöf og stuðningi til einstaklinga með krabbamein og blóðsjúkdóma og aðstandenda þeirra
  • Skráning hjúkrunar í samræmi við reglur Landspítala
  • Þátttaka í þverfaglegri teymisvinnu
  • Virkur þátttakandi í þróun og uppbyggingu verkefna á deild

Hæfnikröfur

  • Íslenskt hjúkrunarleyfi
  • Jákvætt viðmót og góð samskiptahæfni
  • Faglegur metnaður og áhugi á krabbameinshjúkrun
  • Hæfni og geta til að starfa í teymi
  • Íslenskukunnátta áskilin

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Dagvinna
  • Starfshlutfall: 80-100%
  • Starfssvið: Heilbrigðisþjónusta
  • Stéttarfélag: Félag íslenskra hjúkrunarfræðinga
  • Umsóknarfrestur er til: 30.11.2020

Nánari upplýsingar veitir

Þórunn Sævarsdóttir - [email protected] - 825 3523
Stella María Óladóttir - [email protected] - 543 6103

Handleiðsla og fræðsla á starfsþróunarári (myndskeið)

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira