Hoppa yfir valmynd
Sérfræðistörf

VÖRUSTJÓRI HJÁ STAFRÆNU ÍSLANDI

VÖRUSTJÓRI HJÁ STAFRÆNU ÍSLANDI

Fjármála og efnahagsráðuneytið leitar að framúrskarandi vörustjóra (e. product manager) til að leiða vöru- og hugbúnaðarþróun og stýra stafrænum umbreytingarverkefnum í náinni samvinnu við fjölmargar stofnanir hins opinbera.
Stafrænt Ísland er starfseining innan fjármála- og efnahagsráðuneytisins . Hlutverk hennar er að vinna með ráðuneytum, stofnunum og öðrum opinberum aðilum að því að efla stafræna þjónustu við almenning og tryggja þannig skýr, einföld og hraðvirk samskipti. Stærsta verkefni Stafræns Íslands er þróun þjónustugáttarinnar Ísland.is.
Þróunarverkefni á vegum Stafræns Íslands eru unnin með svokallaðri kvikri (e. agile) aðferðarfræði í hugbúnaðarþróun, unnið er í sprettum og stuðst er við notendamiðaða þjónustuhönnun.
Leitað er að drífandi sérfræðingi sem á auðvelt með að fá fólk með sér í lið og ná því besta fram í öðrum. Starfið felur í sér ábyrgð á þróun og innleiðingu nýrra hugbúnaðarlausna, sjálfsafgreiðsluferla og tækniinnviða.

Helstu verkefni og ábyrgð

  • Vöruþróun og verkefnastýring hugbúnaðarlausna á vegum Ísland.is.
  • Gerð vegvísa (e. roadmap) fyrir stafræn umbreytingarverkefni í samstarfi við opinberar stofnanir.
  • Greiningarvinna, notendarannsóknir og þarfagreiningar.
  • Forgangsröðun verkefna, mótun- og eftirfylgni verkáætlana.
  • Samskipti við hugbúnaðarhús, tæknilega birgja og stofnanir.

Hæfnikröfur

  • Menntun eða starfsreynsla á sviði tölvunarfræði, verkfræði, stafrænnar hönnunar eða tengdum greinum sem nýtist vel til úrlausnar ofangreindra verkefna.
  • Reynsla og þekking af vörustjórnun hugbúnaðarlausna og stjórnun þverfaglegra teyma í hugbúnaðarþróun.
  • Mjög góð þekking og skilningur á uppbyggingu upplýsingatæknikerfa. hugbúnaðarlausna og notkun vefþjónusta (e. API).
  • Greiningarhæfni, öguð og nákvæm vinnubrögð.
  • Framúrskarandi samskiptahæfni og þjónustulund.
  • Frumkvæði og sjálfstæði í vinnubrögðum.
  • Þekking á sjálfsafgreiðsluferlum og breytingastjórnun er æskileg.
  • Mjög gott vald á íslensku og ensku í ræðu og riti er skilyrði.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Æskilegt er að viðkomandi geti hafið störf sem fyrst.
Starfið er tímabundið til tveggja ára. Til greina kemur að ráða allt að þrjá sérfræðinga.

  • Vinnutímaskipulag: Dagvinna
  • Starfshlutfall: 100%
  • Starfssvið: Sérfræðistörf
  • Stéttarfélag: Félag háskólamenntaðra starfsmanna stjórnarráðs
  • Umsóknarfrestur er til: 27.11.2020

Nánari upplýsingar veitir

Aldís Stefánsdóttir - [email protected] - 5459200
Andri Heiðar Kristinsson - [email protected] - 5459200

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira