Hoppa yfir valmynd
Heilbrigðisþjónusta

Heilbrigðisstofnun Norðurlands Akureyri, málastjóri í geðheilsuteymi

Heilbrigðisstofnun Norðurlands Akureyri, málastjóri í geðheilsuteymi

Heilbrigðisstofnun Norðurlands (HSN), auglýsir 100% stöðu málastjóra á Akureyri í geðheilsuteymi HSN. Um er að ræða starf í nýju meðferðar- og endurhæfingarteymi sem hefur starfað frá hausti 2019 og er í örri þróun. Hlutverk málastjóra er að hafa umsjón með meðferð skjólstæðinga teymisins og vera tengiliður við annað fagfólk í teyminu. Leitað er að geðhjúkrunarfræðingi eða hjúkrunarfræðingi með reynslu og þekkingu sem nýtist í starfi málastjóra. Næsti yfirmaður er teymisstjóri geðheilsuteymis.

Helstu verkefni og ábyrgð

- Málastjórn og umsjón með málefnum skjólstæðinga teymis - Utanumhald og eftirfylgd vegna meðferðaráætlana - Samvinna við aðrar stofnanir - Samvinna og upplýsingagjöf til heimilislæknis

Hæfnikröfur

- Fullgild réttindi til að starfa sem hjúkrunarfræðingur á Íslandi - Greinagóð þekking á algengustu geðröskunum - Reynsla af teymisvinnu - Þekking á gagnreyndum meðferðarúrræðum við geðröskunum - Framúrskarandi samskiptahæfni og sveigjanleiki í starfi - Frumkvæði, áhugi og metnaður til að ná árangri - Framhaldsmenntun í geðhjúkrun er álitin kostur en ekki skilyrði - Ökuleyfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Geðheilsuteymi HSN er nýtt meðferðartilboð sem tók til starfa haustið 2019. Geðheilsuteymið er 2. stigs þjónusta sem veitir sérhæfða þjónustu og meðferð vegna geðraskana án innlagna á sjúkrahús. Markhópar þjónustu teymisins eru þeir einstaklingar með geðraskanir sem þurfa meiri þjónustu en hægt er að veita í fyrstu línu heilsugæslunnar en eru ekki taldir þurfa á þjónustu geðdeildar að halda. Geðheilsuteymið sinnir öllu Norðurlandi en málastjóri á Akureyri mun sinna skjólstæðingum sem eru búsettir í sveitarfélögum við Eyjafjörð. Tekið er á móti rafrænum umsóknum á heimasíðu stofnunarinnar www.hsn.is og einnig er hægt að smella á hlekkinn hér að neðan. Öllum umsóknum verður svarað þegar ákvörðun um ráðningu hefur verið tekin. HSN áskilur sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækjendur eru auk þess beðnir um að skila kynningarbréfi með rökstuðningi fyrir hæfi og sýn á starfið.

  • Vinnutímaskipulag: Dagvinna
  • Starfshlutfall: 100%
  • Starfssvið: Heilbrigðisþjónusta
  • Stéttarfélag: Félag íslenskra hjúkrunarfræðinga
  • Umsóknarfrestur er til: 07.12.2020

Nánari upplýsingar veitir

Pétur Maack Þorsteinsson - [email protected] - 460 4670
Bryndís Lilja Hallsdóttir - [email protected] - 432 4050

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira