Hoppa yfir valmynd
Sumarstörf

Starfsmaður í umönnun óskast á Vífilsstaði

Starfsmaður í umönnun óskast á Vífilsstaði

Landspítali vill ráða tvo liðsmenn, sem hafa ánægju af samstarfi við aldraða, til starfa við aðhlynningu á hjúkrunardeild á Vífilstöðum. Vinnufyrirkomulag og starfshlutfall er samkomulag. Störfin eru laus nú þegar eða samkvæmt samkomulagi. Á Vífilsstöðum starfa um 80 manns í þverfaglegu teymi. Deildin er 42 rúma og er hluti af Landspítala. Skjólstæðingarnir þar hafa gilt færni- og heilsumat og eru að bíða eftir vist á hjúkrunarheimili. Lögð er áhersla á jákvætt framlag sérhvers einstaklings, þátttöku og samvinnu í daglegum störfum deildarinnar. Við tökum vel á móti nýjum starfsmönnum og veitum góða aðlögun.

Helstu verkefni og ábyrgð

  • Umönnun einstaklinga í samvinnu við fagaðila
  • Þátttaka í teymisvinnu

Hæfnikröfur

  • Reynsla af umönnun æskileg
  • Áhugi á hjúkrun aldraðra
  • Jákvætt viðhorf og hæfni í mannlegum samskiptum
  • Sjálfstæði og frumkvæði í vinnubrögðum
  • Íslenskukunnátta er nauðsynleg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá. Öllum umsóknum verður svarað. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

  • Vinnutímaskipulag: Vaktavinna
  • Starfshlutfall: 50-100%
  • Starfssvið: Sumarstörf
  • Stéttarfélag: Sameyki
  • Umsóknarfrestur er til: 01.12.2020

Nánari upplýsingar veitir

Borghildur Árnadóttir - [email protected] - 543 9533
Bára Benediktsdóttir - [email protected] - 824 5909

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira