Hoppa yfir valmynd
Heilbrigðisþjónusta

Hjúkrunarfræðingar í ótímabundið starf á slysa- og bráðadeild Heilbrigðisstofnunar Suðurnesja HSS

Hjúkrunarfræðingar í ótímabundið starf á slysa- og bráðadeild Heilbrigðisstofnunar Suðurnesja HSS

Heilbrigðisstofnun Suðurnesja óskar eftir að ráða hjúkrunarfræðinga í ótímabundið starf frá 1. janúar n.k., eða eftir nánara samkomulagi. Um er að ræða vaktavinnu.
Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi.

Helstu verkefni og ábyrgð

Um er að ræða fjölbreytt og krefjandi starf með skemmtilegu og metnaðarfullu starfsfólki. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Slysa- og bráðamóttaka HSS er opin allan sólarhringinn og sinnir slösuðum og bráðveikum. Þar fer einnig fram brotaendurkoma.
Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar. Leiðarljós HSS í þjónustu og starfi er umhyggja, fagmennska og virðing.

Hæfnikröfur

Íslenskt hjúkrunarleyfi.
Faglegur metnaður.
Góð samskiptahæfni.
Sjálfstæði í vinnubrögðum.
Jákvætt og hlýtt viðmót.
Starfsreynsla á slysa- og bráðamóttöku er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á www.hss.is undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi, ef við á. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað um leið og ráðið hefur verið í starfið. Umsókn gildir í 6 mánuði.
Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 27.000 manns.

  • Vinnutímaskipulag: Vaktavinna
  • Starfshlutfall: 50-80%
  • Starfssvið: Heilbrigðisþjónusta
  • Stéttarfélag: Félag íslenskra hjúkrunarfræðinga
  • Umsóknarfrestur er til: 30.11.2020

Nánari upplýsingar veitir

Ásta Kristbjörg Bjarnadóttir - [email protected] - 422-0573

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira