Hoppa yfir valmynd
Stjórnunarstörf

Skrifstofustjóri skrifstofu landgæða

Skrifstofustjóri skrifstofu landgæða

Umhverfis- og auðlindaráðuneytið leitar eftir öflugum stjórnanda sem hefur metnað og áhuga til að leiða starf skrifstofu landgæða í ráðuneytinu

Helstu verkefni og ábyrgð

Hlutverk skrifstofu landgæða er m.a. að vinna að verkefnum sem varða náttúruvernd, náttúrurannsóknir, veiðistjórnun, landgræðslu og skógrækt, verndar- og orkunýtingaráætlun og uppbyggingu ferðamannastaða. Skrifstofan fer með alþjóðlegt samstarf í þessum málaflokkum. Umhverfis- og auðlindaráðherra skipar í embættið til fimm ára. Hlutverk skrifstofustjóra er að leiða starf skrifstofunnar undir yfirstjórn ráðuneytisstjóra. Hann ber ábyrgð á að vinna að, þróa og framfylgja helstu áætlunum, stefnum og lögbundnum verkefnum stjórnvalda á sviði skrifstofunnar, í samstarfi við önnur stjórnvöld, hagsmunaaðila og almannasamtök. Í ráðuneytinu er unnið að viðamiklum verkefnum á málefnasviði skrifstofunnar. Um er að ræða krefjandi embætti sem felur í sér fjölbreytt verkefni og mikil tækifæri til að hafa áhrif og vinna að stefnumótun og þróun verndar og nýtingar þeirra gæða sem íslensk náttúra býr yfir.

Hæfnikröfur

  • Leitað er eftir einstaklingi með eftirfarandi þekkingu og eiginleika:
  • Háskólamenntun með meistaragráðu sem nýtist í starfi
  • Þekkingu og/eða reynslu á málefnasviði skrifstofunnar
  • Færni til að skapa liðsheild og leiða fólk til árangurs
  • Mjög góða samskiptafærni og lausnamiðaða hugsun
  • Árangursríka reynslu af stjórnun og stefnumótun
  • Þekking eða reynsla af opinberri stjórnsýslu er kostur
  • Gott vald á íslensku og ensku og góð kunnátta í einu Norðurlandamáli er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Í ráðuneytinu starfar um 45 manna samhentur hópur á sex skrifstofum. Ráðuneytið leggur áherslu á öfluga liðsheild og góðan starfsanda. Ráðuneytið hefur hlotið gæðavottun umhverfisstjórnunarkerfis og jafnlaunavottun. Umsókn skal fylgja ferilskrá og ítarlegt kynningarbréf um ástæðu umsóknar og rökstuðningur veittur fyrir hæfni viðkomandi í embættið. Hæfnisnefnd skipuð af umhverfis- og auðlindaráðherra metur hæfni umsækjenda samkvæmt reglum nr. 393/2012 og skilar greinargerð til ráðherra. Umsóknarfrestur er til og með 7. desember nk. Ráðuneytið hvetur einstaklinga af öllum kynjum til að sækja um embættið.

  • Vinnutímaskipulag: Dagvinna
  • Starfshlutfall: 100%
  • Starfssvið: Stjórnunarstörf
  • Stéttarfélag: Félag háskólamenntaðra starfsmanna stjórnarráðs
  • Umsóknarfrestur er til: 07.12.2020

Nánari upplýsingar veitir

Sigríður Auður Arnardóttir - [email protected] - 5458600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira