Hoppa yfir valmynd
Kennsla og rannsóknir

Lektor í klínískri næringafræði

Lektor í klínískri næringafræði

Laust er til umsóknar 25% starf lektors í klínískri næringarfræði við Matvæla- og næringarfræðideild á Heilbrigðisvísindasviði Háskóla Íslands.

Helstu verkefni og ábyrgð

  • Forsenda fyrir ráðningu í starfið er að viðkomandi sé jafnframt starfandi á Næringarstofu Landspítala og hafi þar aðstöðu til að sinna klínískri kennslu næringarfræðinema.
    Sem lektor mun sá sem ráðinn verður uppfylla sína kennsluskyldu innan fræðasviðs næringarfræði þ.m.t. klíníska kennslu á Landspítala. Þá stundar viðkomandi rannsóknir í sinni sérgrein á fræðasviðinu.

    Helstu verkefni:
  • Hafa umsjón með námi í klínískri næringarfræði og samskipti milli Landspítala og Háskóla Íslands vegna klínískra nema.
  • Stuðla að rannsóknaruppbyggingu á sviði klínískrar næringarfræði
  • Leiðbeina framhaldsnemendum í lokaverkefnum
    Við ráðningu verður miðað við, að sá eða sú er starfið hlýtur falli sem best að aðstæðum og þörfum deildarinnar. Æskilegt er að viðkomandi hefji störf eigi síðar en 1.júlí 2021.

Hæfnikröfur

  • Doktorspróf í næringarfræði
  • Rannsóknarvirkni
  • Reynsla af kennslu og leiðbeiningu á háskólastigi
  • Reynsla af stjórnun
  • Góð samstarfshæfni og lipurð í mannlegum samskiptum
  • Umsækjendur þurfa að geta kennt og átt í samskiptum við starfsmenn og nemendur á íslensku og ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.
Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Eftirfarandi gögn skulu fylgja umsókninni: i. Ferilskrá ii. Staðfest afrit af prófskírteinum iii. Upplýsingar um meðmælendur iv. Greinargerð þar sem áhuga fyrir verkefninu er lýst og fjallað um hvað umsækjandi getur lagt af mörkum til þess. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.
Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 25%

Umsóknarfrestur er til og með 01.02.2021

Nánari upplýsingar veitir

Ólöf Guðný Geirsdóttir - [email protected] - 5255954

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira