Hoppa yfir valmynd
Sérfræðistörf

Lektor í enskum bókmenntum

Lektor í enskum bókmenntum

Laust er til umsóknar starf lektors í breskum endurreisnar- og átjándu aldar bókmenntum við Mála- og menningardeild á Hugvísindasviði Háskóla Íslands.

Helstu verkefni og ábyrgð

Starfsskyldur lektorsins skiptast í rannsóknir, kennslu og stjórnun í samræmi við reglur Háskóla Íslands. Leitað er eftir sérfræðingi á sviði breskra endurreisnarbókmennta og átjándu aldar bókmennta sem einnig getur kennt söguleg og fræðileg bókmenntanámskeið og ritþjálfunarnámskeið á grunn- og meistarastigi. Lektorinn sinnir leiðbeiningu við lokaverkefni á umræddum fræðasviðum, bæði í grunn- og meistaranámi. Kennsla fer fram á ensku, í stað- og fjarkennslu.

Hæfnikröfur

  • Doktorspróf í enskum bókmenntum með sérhæfingu í breskum endurreisnarbókmenntum og bókmenntum átjándu aldar
  • Áhugi á og reynsla af kennslu / rannsóknum í bókmenntum beggja vegna Atlantsála (Transatlantic Literature), alheimsbókmenntum á ensku (Global Anglophone Literature), írskum bókmenntum og/eða norður-amerískum bókmenntum er kostur.
  • Rannsóknavirkni á fræðasviðinu og útgáfa, ásamt skýrri framtíðarsýn í rannsóknum
  • Kennslureynsla á háskólastigi
  • Mjög góð færni í ensku, bæði töluðu og rituðu máli
  • Færni í íslensku, bæði töluðu og rituðu máli er kostur
  • Áhugi á stafrænum hugvísindum er kostur
  • Góð samstarfshæfni og lipurð í mannlegum samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.


Starfið felur í sér stjórnunarskyldu og því er æskilegt að umsækjandi hafi góða íslenskukunnáttu. Að öðrum kosti er ætlast til að umsækjandi öðlist a.m.k. grunnfærni í íslensku máli á fyrstu tveimur árum í starfi.

Horft verður til þess að sérsvið og reynsla umsækjenda falli sem best að kennslu- og rannsóknaþörfum deildarinnar.

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. júlí 2021, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Umsóknir geta gilt í allt að sex mánuði frá lokum umsóknarfrests. Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Starfshlutfall er 100%

Umsóknarfrestur er til og með 01.03.2021

Nánari upplýsingar veitir

Gregory Alan Phipps - [email protected] - 5254452
Óskar Einarsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira