Hoppa yfir valmynd
Sérfræðistörf

Starf lektors í dönskum bókmenntum

Starf lektors í dönskum bókmenntum

Laust er til umsóknar starf lektors í dönskum bókmenntum við Mála- og menningardeild Hugvísindasviðs Háskóla Íslands. Umsækjendur skulu geta sýnt fram á með námsferli sínum, starfsreynslu, rannsóknum og ritverkum að þeir geti sinnt kennslu og rannsóknum á sviði danskra og skandinavískra bókmennta.

Helstu verkefni og ábyrgð

Starfsskyldur lektorsins skiptast í kennslu, rannsóknir, og stjórnun í samræmi við reglur Háskóla Íslands. Hluti af starfsskyldum lektorsins verður að byggja upp nám og sinna kennslu í skandinavískum fræðum. Lektornum er einnig ætlað að leiðbeina nemendum í lokaverkefnum í grunn- og meistaranámi.

Hæfnikröfur

  • Doktorspróf í bókmenntum.
  • Mjög góð færni í dönsku, bæði töluðu og rituðu máli.
  • Reynsla af rannsóknum á dönskum bókmenntum síðari alda. Reynsla af öðrum skandinavískum bókmenntum síðari alda er kostur.
  • Reynsla af kennslu í skandinavískum bókmenntum og/eða menningarfræðum á háskólastigi er æskileg.
  • Færni í íslensku, bæði töluðu og rituðu máli.
  • Góð samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Horft verður til þess að sérsvið og reynsla umsækjenda falli sem best að kennslu- og rannsóknaþörfum deildarinnar. Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Gert er ráð fyrir að ofangreint starf verði veitt frá 1. júlí 2021 eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna munu fjalla.

Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform og framtíðarsýn ef til ráðningar kemur. Umsækjandi skal tilgreina veigamestu ritverk sín, allt að átta talsins, með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skal fylgja greinargerð höfunda fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Umsókn og umsóknargögnum, sem ekki er skilað rafrænt, skal skila í tvíriti til Vísinda- og nýsköpunarsviðs Háskóla Íslands, Sæmundargötu 6, 101 Reykjavík.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Umsóknir geta gilt í allt að sex mánuði frá lokum umsóknarfrests. Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Starfshlutfall er 100%

Umsóknarfrestur er til og með 02.03.2021

Nánari upplýsingar veitir

Oddný Guðrún Sverrisdóttir - [email protected] - 525 4717
Óskar Einarsson - [email protected] - 525 5236

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira