Hoppa yfir valmynd
Kennsla og rannsóknir

Lektor í félagsfræði við Félagsfræði-, mannfræði- og þjóðfræðideild Háskóla Íslands

Lektor í félagsfræði við Félagsfræði-, mannfræði- og þjóðfræðideild Háskóla Íslands

Laust er til umsóknar fullt starf lektors í félagsfræði við Félagsfræði-, mannfræði- og þjóðfræðideild við Félagsvísindasvið Háskóla Íslands.

Helstu verkefni og ábyrgð

  • Að stunda rannsóknir á sviði félagsfræði, afbrotafræði og/eða fjölmiðlafræði.
  • Að kenna og leiðbeina nemendum í félagsfræði og megindlegri aðferðafræði.
  • Að taka þátt í þróun náms á sviði félagsfræði og megindlegri aðferðafræði.
  • Að sinna stjórnunar- og þjónustuþætti starfsins.

Hæfnikröfur

  • Doktorspróf í félagsfræði, afbrotafræði og/eða fjölmiðlafræði.
  • Virkni og hæfni í rannsóknum í félagsfræði, afbrotafræði og/eða fjölmiðlafræði sem kemur fram í birtingum í ritrýndum, alþjóðlegum tímaritum sem gera strangar fræðilegar kröfur.
  • Geti sýnt fram á hæfni í notkun megindlegra aðferða með birtingum í ritrýndum alþjóðlegum tímaritum sem gera strangar fræðilegar kröfur.
  • Reynsla af kennslu á háskólastigi.
  • Hæfni í mannlegum samskiptum, áreiðanleiki, frumkvæði og sjálfstæði í vinnubrögðum ásamt góðri hæfni til að miðla þekkingu.
  • Æskilegt er að umsækjandi geti sýnt fram á að hafa verið leiðandi í birtum rannsóknum sínum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.


Við ráðningu verður miðað við að sá er starfið hlýtur falli sem best að aðstæðum og þörfum námsbrautar í félagsfræði og Félagsvísindasviðs.

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. júlí 2021, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla.

Umsækjendur skulu láta eftirfarandi gögn fylgja umsókn sinni. 1. Kynningarbréf þar sem m.a. kemur fram hvernig umsækjandi uppfyllir hæfniskröfur 2. Vottorð um námsferil sinn 3. Akademíska ferilskrá (Curriculum Vitae) 4. Ritaskrá (auðkenna ber ritrýnt efni sérstaklega) 5. Skýrslu um vísindastörf og önnur störf sem þeir hafa unnið 6. Greinargerð um rannsóknar- og kennsluáform ef til ráðningar kemur 7. Upplýsingar um þrjá mögulega umsagnaraðila sem hafa má samband við.

Í umsókn skal koma fram hver ritverka sinna, allt að fimm talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendur ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á.

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík.

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Námsbraut í félagsfræði starfar innan Félagsfræði-, mannfræði- og þjóðfræðideildar sem er ein sex deilda Félagsvísindasviðs. Markmið námsbrautar í félagsfræði er að brautskrá framúrskarandi félagsfræðinga sem eiga þátt í því að efla fagið innan skólans sem utan. Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.

Starfshlutfall er 100%

Umsóknarfrestur er til og með 03.03.2021

Nánari upplýsingar veitir

Sigrún Ólafsdóttir - [email protected] - 863 1974

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira