Hoppa yfir valmynd
HeilbrigðisþjónustaHöfuðborgarsvæðið

Sérfræðilæknir í nýrnalækningum

Sérfræðilæknir í nýrnalækningum

Starf sérfræðilæknis í nýrnalækningum er laust til umsóknar. Við nýrnalækningar starfar öflugur hópur sérfræðilækna í samvinnu við aðra faghópa að málefnum fólks með nýrnasjúkdóma. Einnig taka nýrnalæknar þátt í bráðaþjónustu á vettvangi lyflækninga. 

Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd sjúklinga okkar. 
Starfshlutfall er 100% og veitist starfið frá 1. apríl 2021 eða eftir nánara samkomulagi. 

Helstu verkefni og ábyrgð

  • Vinna á legudeildum, göngudeild nýrnalækninga og skilunardeild
  • Vinna við ráðgjöf nýrnalækninga
  • Þátttaka í vaktþjónustu nýrnalækninga
  • Þátttaka í bráðaþjónustu á vegum almennra lyflækninga í samráði við yfirlækni nýrnalækninga, þ.m.t. vaktþjónustu
  • Þátttaka í kennslu og vísindastarfi
  • Þátttaka í öðrum verkefnum í samráði við yfirlækni sérgreinarinnar

Hæfnikröfur

  • Íslenskt sérfræðileyfi í lyflækningum og nýrnalækningum
  • Þekking og reynsla í meðferð sjúklinga með nýrnasjúkdóma, þ.m.t. langvinnan nýrnasjúkdóm og meðferð nýrnabilunar á lokastigi; skilun og ígræðslu nýra
  • Reynsla af kennslustörfum
  • Hæfni og geta til að starfa í þverfaglegu teymi
  • Góðir samskiptahæfileikar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins.
Tekið er mið af jafnréttisstefnu Landspítala við ráðningar á spítalanum.

Í umsóknarformið skal skrá inn upplýsingar um:

» Fyrri störf, menntun og hæfni
» Félagsstörf og umsagnaraðila 

Nauðsynleg fylgiskjöl:

» Vottað afrit af námsgögnum og starfsleyfum
» Ferilskrá þar sem tilgreind er reynsla af kennslu, vísindavinnu og stjórnunarstörfum
» Kynningarbréf með rökstuðningi fyrir hæfni og sýn á starfið
» Yfirlit yfir birtar vísindagreinar (eða í ritrýni) sem umsækjandi er fyrsti höfundur að
» Afrit af umsókn um læknisstöðu hjá Embætti Landlæknis (sækja skjalið hér) og sendið sem fylgiskjal. 
 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem rúmlega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 01.03.2021

Nánari upplýsingar veitir

Margrét Birna Andrésdóttir - [email protected] - 825 5053

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira