Hoppa yfir valmynd
HeilbrigðisþjónustaHöfuðborgarsvæðið

Sérfræðingur í líknarhjúkrun

Sérfræðingur í líknarhjúkrun

Laust er til umsóknar starf sérfræðings í líknarhjúkrun með meginstarfstöð í Heru sérhæfðri líknarþjónustu. Starfshlutfall er 100% og er upphaf starfs samkvæmt samkomulagi. 

Sérfræðingur í hjúkrun starfar samkvæmt starfslýsingu en meginhlutverk, auk klínískra starfa, eru ráðgjöf og kennsla til nemenda og starfsfólks auk rannsókna, gæða og þróunarstarfa. Starfið felur í sér vinnu með fjölbreyttum hópi skjólstæðinga og samskipti við ólíkar starfstéttir innan krabbameinskjarna og Landspítala. Sérfræðingur í líknarhjúkrun vinnur að framþróun hjúkrunar í samstarfi við stjórnendur á krabbameinskjarna og í samræmi við stefnu og starfsáætlun Landspítala.

Helstu verkefni og ábyrgð

  • Gæða- og rannsóknarvinna, þekkingarþróun og innleiðing nýjunga
  • Kennsla, fræðsla og ráðgjöf
  • Þátttaka í þróun og uppbygging líknarhjúkrunar á Landspítala
  • Sérhæfð klínísk störf í líknarhjúkrun

Hæfnikröfur

  • Meistarapróf í líknarhjúkrun
  • Íslenskt sérfræðileyfi í líknarhjúkrun
  • Starfsreynsla í líknarhjúkrun
  • Reynsla af teymisvinnu, kennslu, rannsóknum, gæða- og þróunarverkefnum
  • Góð samskiptahæfni og jákvætt viðmót

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Í umsóknarformið skal skrá inn upplýsingar um:
» Fyrri störf, menntun og hæfni
» Félagsstörf og umsagnaraðila

Nauðsynleg fylgiskjöl:
» Vottað afrit af prófskírteinum og starfsleyfum 
» Ferilskrá þar sem tilgreind er reynsla af kennslu, rannsóknum, gæða- og þróunarverkefnum 
» Kynningarbréf með rökstuðningi fyrir hæfni og sýn á starfið 

Ákvörðun um ráðningu byggir á viðtölum við umsækjendur og innsendum gögnum. Öllum umsóknum verður svarað. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem rúmlega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 04.03.2021

Nánari upplýsingar veitir

Vigdís Hallgrímsdóttir - [email protected] - 825 3502
Ásdís Ingvarsdóttir - [email protected] - 825 5104

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira