Hoppa yfir valmynd
Heilbrigðisþjónusta

Sálfræðingur - Heilbrigðisstofnun Austurlands

Sálfræðingur - Heilbrigðisstofnun Austurlands

Heilbrigðisstofnun Austurlands (HSA) óskar eftir að ráða sálfræðing til starfa hjá stofnuninni. Um er að ræða 100% ótímabundið starf sálfræðings innan heilsugæslu HSA. Staðan veitist frá 1. maí 2021 eða eftir nánara samkomulagi.

Helstu verkefni og ábyrgð

Óskað er eftir sálfræðingi í heilsugæslu HSA til að veita almenna sálfræðiþjónustu fyrir bæði ungmenni og fullorðna. Viðkomandi þarf að hafa reynslu af því að veita meðferð við þunglyndi og kvíða. Kostur er ef viðkomandi hefur reynslu af vinnu með áföll eða hefur farið á faglegar vinnustofur þar sem sérhæfð áfallameðferð er kennd. Innan starfs felst þátttaka í hópmeðferð, sem og skipulagningu og þróun sálfræðiþjónustu á Austurlandi í samvinnu við yfirsálfræðing. Helstu verkefni: Greining á tilfinningavanda og meðferð. Hópmeðferð fyrir ungmenni og fullorðna. Þátttaka í stefnumótun sálfræðiþjónustu heilsugæslunnar á Austurlandi.

Hæfnikröfur

Réttindi til að starfa sem sálfræðingur á Íslandi. Reynsla af klínísku starfi æskileg. Þekking og reynsla af hugrænni atferlismeðferð. Reynsla af notkun sálfræðilegra prófa og greiningartækja æskileg. Samskiptahæfni og sveigjanleiki. Ökuréttindi og færni til að keyra beinskipta bíla. Góð íslenskukunnátta er skilyrði. Lögð er áhersla á faglegan metnað, stundvísi, skipulögð vinnubrögð, jákvæðni og sveigjanleika.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.
Umsóknum skal skilað rafrænt til HSA með því að fylla út umsóknarform á vefsíðu stofnunarinnar; www.hsa.is, undir flipanum "Laus störf". Umsókn fylgi staðfestar upplýsingar um nám, starfsreynslu, og ef við á, kennslu og vísindastörf, ásamt afriti af greinum sem umsækjandi kann að hafa birt eða skrifað. Mat HSA byggist á innsendum umsóknargögnum. Áskilinn er réttur til að hafna umsóknum frá einstaklingum sem ekki teljast uppfylla framangreind skilyrði. Viðtöl verða tekin við umsækjendur og byggist ákvörðun um ráðningu í starfið einnig á þeim. Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun/notkun rafretta er ekki heimil á vinnutíma innan HSA. HSA starfar á þremur fagsviðum; heilsugæslu-, hjúkrunar- og sjúkrasviði. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Vopnafjarðar, auk ferðamanna sem sækja Austurland heim. Umdæmissjúkrahús Austurlands er í Neskaupstað. Á þjónustusvæði HSA eru auk þess fimm heilsugæslustöðvar, en alls eru starfsstöðvarnar ellefu talsins. HSA vill byggja þjónustu sína á mannvirðingu, þekkingu og þverfaglegri samvinnu.

Starfshlutfall er 100%

Umsóknarfrestur er til og með 01.03.2021

Nánari upplýsingar veitir

Sigurlín Hrund Kjartansdóttir - [email protected] - 862-2793
Emil Sigurjónsson - [email protected] - 470-3053 & 895-2488

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira