Hoppa yfir valmynd
HeilbrigðisþjónustaHöfuðborgarsvæðið

Aðstoðardeildarstjóri hjúkrunar á bráðamóttöku Landspítala

Aðstoðardeildarstjóri hjúkrunar á bráðamóttöku Landspítala

Við sækjumst eftir framsæknum hjúkrunarfræðingi sem hefur brennandi áhuga á hjúkrun bráðasjúklinga sem og áhuga á stjórnun, gæða- og umbótastarfi. Ráðið verður í starfið frá 15. mars 2021 eða eftir nánara samkomulagi. 

Á bráðamóttöku koma allir sjúklingahópar Landspítala og er því starfið afar fjölbreytt. Starfið felur í sér góða teymisvinnu þar sem unnið er náið með öllum starfsstéttum. Margvísleg tækifæri eru til að þróa með sér góða þekkingu á bráðafræðum og hæfni í sjálfstæðum vinnubrögðum sem og tækifæri til náms.

Helstu verkefni og ábyrgð

  • Vinnur í samráði við hjúkrunardeildarstjóra að skipulagningu á starfsemi deildar
  • Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu
  • Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun
  • Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra
  • Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra
  • Vinnur náið með deildarstjóra að mótun liðsheildar

Hæfnikröfur

  • Íslenskt hjúkrunarleyfi
  • Starfsreynsla sem hjúkrunarfræðingur
  • Stjórnunarþekking og leiðtogahæfni
  • Jákvætt viðmót og framúrskarandi samskiptahæfni
  • Skipulögð, vönduð og öguð vinnubrögð
  • Þekking á tölvukerfum Landspítala
  • Þekking á þjónustuþáttum Landspítala
  • Þekking á verkefnastjórnun og umbótastarfi er æskileg
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og hjúkrunarleyfi auk kynningarbréfs. Ákvörðun um ráðningu byggist á innsendum gögnum og viðtölum. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem rúmlega 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80-100%

Umsóknarfrestur er til og með 01.03.2021

Nánari upplýsingar veitir

Helga Rósa Másdóttir - [email protected] - 825 5167
Bára Benediktsdóttir - [email protected] - 824 5909

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira