Hoppa yfir valmynd
Sérfræðistörf

Verkefnastjóri í tölvunarfræðikennslusamstarfi HA og HR

Verkefnastjóri í tölvunarfræðikennslusamstarfi HA og HR

Tölvunarfræðin við Háskólann á Akureyri leitar að verkefnastjóra. Um er að ræða ótímabundið starf í 100% starfshlutfalli. Starf verkefnastjóra í tölvunarfræði er hýst við Viðskipta- og raunvísindasvið HA. Næsti yfirmaður er verkefnastjóri tölvunarfræði við HA. Starfstöðin er að Borgum, rannsóknarhúsi á háskólasvæðinu á Akureyri. Mjög æskilegt er að viðkomandi geti hafið störf þann 11. mars 2021 eða sem fyrst.

Helstu verkefni og ábyrgð

Verkefnastjórinn sinnir kennslu í dæma- og verkefnatímum við tölvunarfræði Háskólans á Akureyri/Háskólans í Reykjavík. Einnig sinnir hann og leiðbeinir nemendahópum í 3 vikna lotum. Starfið fer fram á Akureyri í nánu samstarfi við aðalkennara námskeiðanna sem koma flest úr Háskólanum í Reykjavík og fer fram undir stjórn verkefnastjóra tölvunarfræði við HA. Hann tekur þátt í öðrum verkefnum tölvunarfræðinnar sem honum eru falin.

Hæfnikröfur

  • B.Sc. í Tölvunarfræði er skilyrði, kostur ef það er frá Háskólanum í Reykjavík.
  • Reynsla af kennslu í tölvunarfræði er skilyrði, kostur ef það er frá Háskólanum í Reykjavík.
  • Góður námsárangur úr námi í tölvunarfræði er skilyrði.
  • Góð færni til að tjá sig á íslensku og ensku er nauðsynleg.
  • Góð færni í mannlegum samskiptum er nauðsynleg, einnig er krafist góðrar færni í að miðla þekkingu, skipulagshæfni ásamt sjálfstæði í starfi.

    Umsókn skal fylgja:
  • Prófskírteini og námsferill með einkunnum úr tölvunarfræði.
  • Yfirlit yfir kennslureynslu og þá sérstaklega hvaða námskeið umsækjandi hefur kennt í tölvunarfræði.
  • Kynningarbréf þar sem gerð í grein fyrir ástæðu umsóknar og rökstuðningur fyrir hæfni umsækjanda í starfið.
  • Tilnefna skal a.m.k. einn meðmælanda úr fyrra starfi.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur. Háskólinn á Akureyri áskilur sér rétt til að hafna öllum umsóknum. Háskólinn á Akureyri var stofnaður árið 1987 og þar starfa um 200 starfsmenn og rúmlega 2500 nemendur stunda nám við háskólann.

Starfshlutfall er 100%

Umsóknarfrestur er til og með 05.03.2021

Nánari upplýsingar veitir

Ólafur Jónsson - [email protected] - 4608097

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira