Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Fagstjóri sálfræðiþjónustu - HH og ÞÍH

Fagstjóri sálfræðiþjónustu - HH og ÞÍH

Laust er til umsóknar ótímabundið starf fagstjóra sálfræðiþjónustu hjá Heilsugæslu höfuðborgarsvæðisins (HH) og Þróunarmiðstöðvar íslenskrar heilsugæslu (ÞÍH). Fagstjóri sálfræðiþjónustu HH ber ábyrgð á skipulagningu þjónustunnar í samráði við framkvæmdastjóra geðheilbrigðisþjónustu og svæðisstjóra/yfirlækna starfsstöðva HH. Um er að ræða krefjandi starf sem reynir á frumkvæði, skipulagshæfileika og samskiptahæfni. 

Ráðið verður í starfið frá og með 1. september nk. eða eftir nánara samkomulagi. Starfshlutfall er 100% sem skiptist annars vegar í 50% starfshlutfall hjá HH og hins vegar í 50% starfshlutfall hjá Þróunarmiðstöð Íslenskrar heilsugæslu. 

Á öllum heilsugæslustöðvum HH starfa bæði sálfræðingar barna og unglinga og sálfræðingar fullorðinna,18 ára og eldri. Þjónusta sálfræðinga felur í sér greiningu og meðferð á geðrænum vanda ásamt ráðgjöf. Innan geðheilsuteyma HH sem þjónusta einstaklinga með alvarlegri geðrænan vanda starfa einnig sálfræðingar í þverfaglegu teymisstarfi með öðrum heilbrigðisstéttum.

Þróunarmiðstöð vinnur að samræmingu verklags og samhæfingar milli fagfólks á heilsugæslustöðvum, gæðaþróun og framförum í heilsugæslu í samráði við heilbrigðisstofnanir sem reka heilsugæslustöðvar og sjálfstætt starfandi heilsugæslustöðvar.

Helstu verkefni og ábyrgð

  • Annast skipulag og samhæfingu á fagsviði í samráði við framkvæmdastjóra geðheilbrigðisþjónustu, með stefnu og markmið HH að leiðarljósi
  • Ber ábyrgð á gæðum og öryggi þjónustu og fylgir eftir árangursmælingum
  • Tekur þátt í vísinda-, þróunar- og gæðastarfi
  • Hefur umsjón með fræðslu og handleiðslu til nema, nýliða og starfsmanna fagsviðs í samvinnu við aðra starfsmenn HH
  • Tekur þátt í innleiðingu breytinga og nýjunga í starfsemi HH
  • Tekur þátt í innleiðingu teymisvinnu
  • Tekur þátt í gerð og innleiðingu klínískra leiðbeininga á fagsviði
  • Stuðlar að góðri vinnustaðamenningu, jákvæðum starfsanda og vellíðan starfsmanna
  • Sinnir klínísku starfi í meðferðarvinnu eftir þörfum á heilsugæslustöðvunum
  • Fagstóri sálfræðiþjónustu ÞÍH ber ábyrgð á innleiðingu verkferla og samræmingu sálfræðiþjónustu sem veitt er á heilsugæslustöðvum á landinu. Viðkomandi tekur þátt í þróunar- og gæðaverkefnum hjá ÞÍH og öðrum þeim verkefnum sem forstöðumaður ÞÍH ákveður.

Hæfniskröfur

  • Réttindi og reynsla til að starfa sem sérfræðingur í klínískri sálfræði skilyrði
  • Framhaldsmenntun æskileg
  • Reynsla og þekking á hugrænni atferlismeðferð og annarri gagnreyndri meðferðarvinnu
  • Nám og/eða reynsla á sviði stjórnunar æskileg
  • Reynsla og áhugi á teymisvinnu
  • Framúrskarandi hæfni í mannlegum samskiptum
  • Leiðtogahæfni og metnaður til að ná árangri í starfi
  • Frumkvæði og geta til að starfa sjálfstætt
  • Reynsla af gerð leiðbeininga um sálfræðimeðferð og innleiðingu verkferla æskileg
  • Íslenskukunnátta skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar, Heilsugæslu höfuðborgarsvæðisins, Álfabakka 16, 109 Reykjavík. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttis- og mannaréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%

Umsóknarfrestur er til og með 17.05.2021

Nánari upplýsingar veitir

Emil Lárus Sigurðsson - [email protected] - 513-6300
Svava Kristín Þorkelsdóttir - [email protected] - 513-5000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira