Hoppa yfir valmynd
Kennsla og rannsóknirHöfuðborgarsvæðið

Nýdoktor í lífefnafræði og sameindaeðlisfræði. Umsóknarfrestur framlengdur til 26. apríl.

Nýdoktor í lífefnafræði og sameindaeðlisfræði. Umsóknarfrestur framlengdur til 26. apríl.

Raunvísindastofnun Háskólans auglýsir til umsóknar starf nýdoktors í lífefnafræði og sameindaeðlisfræði við Verkfræði- og náttúruvísindasvið.

Helstu verkefni og ábyrgð

Nýdoktorinn mun tilheyra hópi Dr. Péturs Orra Heiðarssonar (heidarsson.hi.is) við rannsóknir á ofuróreiðukenndum umritunarþáttum og víxlverkunum þeirra við erfðaefnið. Unnið er með háþróaðar einsameindaaðferðir þar sem mæld er flúrljómun (FRET) til þess að ákvarða fjarlægðir og hreyfanleika innan óreiðukenndra umritunarþátta er þeir binda litni og litnisagnir. Verkefnið er alþjóðlegt samvinnuverkefni við hópa í Evrópu og Ástralíu, með möguleikum á styttri rannsóknarferðum þangað, og er styrkt af Rannsóknasjóði Íslands. Verkefnið er einnig tengt REPIN setrinu við Kaupmannahafnarháskóla sem er helgað því að endurskilgreina víxlverkanir próteina innan ramma sameindalegrar óreiðu. Verkefnið fer fram í nýjum Próteinvísindakjarna í Öskju Náttúrufræðahúsi sem hefur yfir að ráða víðtækum tækjabúnaði til einangrunar og greininga á próteinum og öðrum lífsameindum. Próteinvísindakjarninn er hluti af Lífvísindasetri (lifvisindi.hi.is) sem tengir yfir 70 rannsóknarhópa og meira en 100 framhaldsnemendur.

Hæfniskröfur

>> Doktorsgráða í lífefnafræði, efnafræði, sameindalíffræði, eðlisfræði, eða skyldum greinum. Þeir sem munu ljúka PhD gráðu áður en staðan hefst haustið 2020 koma einnig til greina. >> Reynsla af greiningu á byggingu og virkni próteina eða kjarnsýra. >> Góð kunnátta með tölvu- og gagnavinnslu, og reynsla með gagnavinnsluforrit á borð við Mathematica, MATLAB eða sambærilegt er kostur. >> Færni í mannlegum samskiptum, sjálfstæði í vinnubrögðum ásamt því að geta unnið í teymi. >> Góð enskukunnátta í töluðu og rituðu máli.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Starfið er styrkt af Rannís til 18 mánaða. Styrknum fylgir einnig fjármagn til rannsóknarheimsókna og ráðstefnuferða. 

Áætlað er að starfið hefjist í maí 2021. 

Umsókninni þarf að fylgja: >> Kynnisbréf þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess (hámark ein blaðsíða). >> Ferilskrá >> Ritaskrá >> Afrit af prófskírteinum (meistaranám og doktorsnám) og einkunnadreifing >> Tvö umsagnarbréf og upplýsingar um hvernig má hafa samband við umsagnaraðila. >> Einnig má senda PDF af doktorsritgerð og öðrum ritverkum (hámark 5 skrár). 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands 

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. 

Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 26.04.2021

Nánari upplýsingar veitir

Pétur Orri Heiðarsson - [email protected] - 5254276

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira