Hoppa yfir valmynd
Kennsla og rannsóknirHöfuðborgarsvæðið

Lektor í sjúkraþjálfun á sviði hreyfivísinda

Lektor í sjúkraþjálfun á sviði hreyfivísinda

Laust er til umsóknar fullt starf lektors við Námsbraut í sjúkraþjálfun innan Læknadeildar á Heilbrigðisvísindasviði Háskóla Íslands. Starfið felur fyrst og fremst í sér kennslu og rannsóknir, auk stjórnunarskyldu. Gert er ráð fyrir að viðkomandi muni m.a. hafa umsjón með námskeiðum og kenna efni á sviði hreyfivísinda og sjúkraþjálfunar. Æskilegt er að viðkomandi hefji störf eigi síðar en 1. október, 2021.

Helstu verkefni og ábyrgð

  • Hafa umsjón með og kenna námskeið um hreyfivísindi og bæklunarsjúkraþjálfun
  • Byggja upp rannsóknir við námsbrautina á sviði sjúkraþjálfunar og hreyfivísinda
  • Leiðbeina í BS og MS verkefnum á sviði sjúkraþjálfunar, með áherslu á hreyfivísindi, bæklunarsjúkraþjálfun, og endurhæfingu
  • Taka þátt í stjórnun námsbrautarinnar Við ráðningu verður miðað við, að sá er starfið hlýtur falli sem best að aðstæðum og þörfum námsbrautarinnar

Hæfniskröfur

  • Umsækjendur skulu hafa lokið doktorsprófi á fræðasviðinu eða hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar
  • Klínísk reynsla innan sjúkraþjálfunar
  • Sérþekking á sviði hreyfivísinda og bæklunarsjúkraþjálfunar
  • Rannsóknarvirkni á sviði sjúkraþjálfunar og hreyfivísinda
  • Reynsla af kennslu/leiðbeiningu á háskólastigi og stjórnun er kostur
  • Hæfni í mannlegum samskiptum
  • Umsækjendur þurfa að geta kennt og átt í samskiptum við starfsmenn og nemendur námsbrautarinnar á íslensku og/eða ensku

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 
 

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200. 

Námsbraut í sjúkraþjálfun tilheyrir Læknadeild sem er ein af sex deildum Heilbrigðisvísindasviðs við Háskóla Íslands. Námsbrautin býður upp á fimm ára nám til starfsréttinda í sjúkraþjálfun; þriggja ára BS nám í sjúkraþjálfunarfræðum og tveggja ára MS nám í sjúkraþjálfun. Á hverju hausti eru teknir inn 35 nemendur samkvæmt frammistöðu á inntökuprófi. Það er stefna Námsbrautar í sjúkraþjálfun að mennta sjúkraþjálfara sem eru gagnrýnir í hugsun, byggja starf sitt á gagnreyndri þekkingu, skila árangri, fylgja siðareglum og eru virkir í símenntun. Við útskrift eiga nemendur að hafa þróað með sér fagmennsku og samfélagslega ábyrgð. Við námsbrautina starfa núna sex akademískir starfsmenn sem allir stunda metnaðarfullar rannsóknir á ýmsum sviðum innan sjúkraþjálfunar og tengdra sviða, í samvinnu við erlenda og innlenda aðila. Ætlast verður til að sá sem hlýtur umrætt starf breikki og styrki enn frekar rannsóknarsvið námsbrautarinnar. 

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 14.05.2021

Nánari upplýsingar veitir

Kristín Briem - [email protected] - 525 4096

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira