Hoppa yfir valmynd
HeilbrigðisþjónustaHöfuðborgarsvæðið

Tölvulífeindafræðingur/ tölvunáttúrufræðingur á erfða- og sameindalæknisfræðideild Landspítala.

Tölvulífeindafræðingur/ tölvunáttúrufræðingur á erfða- og sameindalæknisfræðideild Landspítala.

Laust er til umsóknar starf tölvulífeindafræðings/ tölvunáttúrufræðings við erfða- og sameindalæknisfræðideild á rannsóknaþjónustu Landspítala.

Á erfða- og sameindalæknisfræðideild (ESD) fer fram fjölbreytt starfsemi. ESD veitir alhliða erfðaheilbrigðisþjónustu og er hún eina deildin sinnar tegundir á Íslandi. Deildin rekur sérhæfðar rannsóknarstofur til að greina erfðasjúkdóma, meta erfðaáhættu og í fósturskimun og nýburaskimun. Notaðar eru margvíslegar rannsóknartegundir í lífefnaerfðafræði, sameindaerfðafræði, litningarannsóknum og erfðamengisrannsóknum. Á ESD er einnig göngudeild og erfðaráðgjafareining.

Á ESD fer fram öflug kennsla, þjálfun og vísindarannsóknir í samvinnu við ýmsa aðila innan og utan spítalans. Deildin er í formlegum tengslum við lífefna- og sameindalíffræðasvið læknadeildar Háskóla Íslands og í samstarfi við Íslenska erfðagreiningu.

Vinnuandinn á deildinni einkennist af samvinnu, lipurð, stuðningi, metnaði og góðum liðsanda. Unnið er í öflugum þverfaglegum teymum innan og utan deildar og í nánu samstarfi við aðrar starfsemi spítalans.

Helstu verkefni og ábyrgð

  • Umsjón með tölvukerfum fyrir rannsóknarstofur ESD
  • Þróun, uppsetning og innleiðing nýrra rannsóknarstofukerfa
  • Ráðgjöf, þjálfun og stuðningur við starfsmenn á sínu sérsviði
  • Samskipti við þjónustuaðila kerfa, innan stofnunar og utan
  • Stefnumótun og þróun þjónustu í samráði við stjórnendur
  • Vinna á rannsóknarstofum
  • Önnur verkefni sem viðkomandi er falið af yfirmanni

Hæfniskröfur

  • Lífeindafræðingur eða náttúrufræðingur í heilbrigðisþjónustu
  • Þekking á rannsóknarstofukerfum
  • Hæfni til að sinna verkefnum starfsins og mannlegum samskiptum sem þeim tengjast
  • Vilji til frekari sérhæfingar í samráði við stjórnendur deildarinnar
  • Góð tölvukunnátta
  • Góð færni í íslensku og ensku
  • Jákvæðni, sveigjanleiki og lipurð í samskiptum
  • Hæfni og geta til að vinna sjálfstætt og í teymi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá og starfsleyfi. Umsókn fylgi einnig kynningarbréf með rökstuðningi fyrir hæfni og sýn á starfið. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Lífeindafræðingur, náttúrufræðingur

Starfshlutfall er 100%

Umsóknarfrestur er til og með 19.04.2021

Nánari upplýsingar veitir

Jón Jóhannes Jónsson - [email protected] - 824 5917

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira