Hoppa yfir valmynd
StjórnunarstörfHöfuðborgarsvæðið

Yfirlæknir svæfinga- og gjörgæslulækninga á Landspítala

Yfirlæknir svæfinga- og gjörgæslulækninga á Landspítala

Við fyrirhugaða sameiningu svæfinga- og gjörgæslulækninga í Fossvogi og við Hringbraut er laus til umsóknar staða yfirlæknis yfir sameinaðri sérgrein svæfinga- og gjörgæslulækninga á Landspítala. 

Við leitum eftir öflugum leiðtoga með faglega hæfni og færsæla reynslu af því að byggja upp og leiða mannauð. Yfirlæknir fer með forystu fyrir þjónustu við sjúklinga, þróun faglegrar þjónustu, umbreytingarstarfi og gæða- og öryggismálum. Yfirlæknir starfar í nánu samstarfi við forstöðumann kjarna, framkvæmdastjóra sviðs og er þátttakandi í stjórnendateymi aðgerðarsviðs. Hann stuðlar að teymisvinnu innan deildar og við aðra stjórnendur og samstarfsaðila. Næsti yfirmaður er forstöðumaður skurðstofu- og gjörgæslukjarna.

Yfirlæknir hefur þríþætta ábyrgð stjórnanda, þ.e. faglega ábyrgð, ábyrgð á mannauði og rekstrarábyrgð. Auk þess gegnir yfirlæknir mikilvægu hlutverki í kennslumálum og uppbyggingu vísindastarfs. Gerð er krafa um helgun í starfi yfirlæknis. Starfshlutfall er 100% og veitist starfið frá 1. september 2021 eða eftir samkomulagi.

Helstu verkefni og ábyrgð

  • Fagleg ábyrgð á svæfinga- og gjörgæslulækningum á Landspítala
  • Fjárhagsleg ábyrgð, þ.e. ábyrgð á rekstri og áætlanagerð einingar
  • Starfsmannaábyrgð, þ.e. ábyrgð á uppbyggingu mannauðs og daglegri stjórnun
  • Hefur forystu um áframhaldandi uppbyggingu, skipulag og þróun svæfinga- og gjörgæslulækninga á Landspítala inn í nýjan meðferðarkjarna

Hæfniskröfur

  • Íslenskt sérfræðileyfi í svæfinga- og gjörgæslulækningum
  • Viðbótarnám í svæfinga- og gjörgæslulækningum 
  • Víðtæk reynsla í svæfinga- og gjörgæslulækningum
  • Farsæl reynsla af uppbyggingu og stýringu mannauðs er skilyrði
  • Leiðtogahæfileikar og áhugi og vilji til að takast á við breytingar
  • Mjög góð hæfni í samskiptum og jákvætt viðmót
  • Mjög góð hæfni til að leiða teymi
  • Frumkvæði og metnaður til að ná árangri 
  • Reynsla af kennslu og vísindastörfum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. 
Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um: 
» Fyrri störf, menntun og hæfni 
» Félagsstörf og umsagnaraðila 

Nauðsynleg fylgiskjöl: 
» Vottað afrit af prófskírteinum 
» Afrit af lækninga- og sérfræðileyfum sem og vottuð afrit af erlendum leyfum (ef við á) 
» Staðfesting á læknis-, stjórnunar- og kennslustörfum
» Ferilskrá þar sem tilgreind er reynsla af læknis-, kennslu-, vísinda- og stjórnunarstörfum 
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 
» Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni 

Allar umsóknir eru sendar til stöðunefndar lækna skv. 36. gr. laga um heilbrigðisþjónustu, sem hefur aðsetur hjá Embætti landlæknis. 

Viðtöl verða höfð við umsækjendur og byggist ákvörðun um ráðningu í starfið einnig á þeim auk mati stöðunefndar á innsendum umsóknargögnum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, Sérfræðilæknir, yfirlæknir, læknir

Starfshlutfall er 100%

Umsóknarfrestur er til og með 30.04.2021

Nánari upplýsingar veitir

Ólafur Guðbjörn Skúlason - [email protected] - 824 5118
Elfa Hrönn Guðmundsdóttir - [email protected] - 691 7823

Ath. fylla skal út umsókn um læknisstöðu hér hjá Embætti landlæknis

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira