Hoppa yfir valmynd
StjórnunarstörfHöfuðborgarsvæðið

Fagstjóri - Verkefnastýring og umbætur - Tímabundin ráðning

Fagstjóri - Verkefnastýring og umbætur - Tímabundin ráðning

Samgöngustofa leitar að öflugum einstaklingi í starf fagstjóra verkefnastýringar og umbóta á sviði umferðar og þjónustu hjá stofnuninni. Um tímabundna ráðningu er að ræða og er æskilegt að viðkomandi geti hafið störf sem fyrst. Gert er ráð fyrir að ráðningin sé til og með 31. ágúst 2022. 

Helstu verkefni og ábyrgð

Hlutverk fagstjóra er að verkefnastýra verkefnum sem ganga þvert á starfsemi sviðsins og styðja við verkefnastýringu innan einstakra eininga sviðsins. Fagstjóri ber ábyrgð á að vinna að greiningum á rekstri sviðsins, tölfræði og mælikvörðum sem tengdir eru starfi og rekstri þess. Hlutverk fagstjóra er einnig að vinna að og styðja við stöðugar umbætur á sviðinu. Því tengt er helst horft til verkefna tengdum upplýsingatæknikerfum og gæðamálum. Fagstjóri vinnur náið með framkvæmdastjóra sviðsins, stjórnendum og starfsfólki þess. Um er að ræða krefjandi starf sem reynir á frumkvæði, skipulagshæfileika og mikla samskiptahæfni. 

Hæfniskröfur

  • Háskólamenntun sem nýtist í starfi. Gerð er krafa um BS eða BA gráðu.
  • Reynsla af sambærilegu starfi þar sem áhersla hefur verið á verkefnastýringu samhliða vinnu við greiningar og tölfræði, straumlínustjórnun eða gæðamál.
  • Reynsla af verkefnastýringu upplýsingatækniverkefna er æskileg.
  • Greiningarhæfni og sterk ferla- og umbótahugsun
  • Sjálfstæði, frumkvæði og metnaður í starfi
  • Samstarfs- og skipulagshæfileikar
  • Góð þjónustulund og jákvæðni

Í boði er spennandi starf hjá metnaðarfullri stofnun í alþjóðlegu umhverfi. Við bjóðum uppá góða starfsaðstöðu og frábæra vinnufélaga. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Nánari upplýsingar veitir Harpa Þ. Böðvarsdóttir, framkvæmdastjóri umferðar og þjónustu í síma 480-6000. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi telst ekki hæfur til að gegna starfi hjá stofnuninni. Öllum umsóknum verður svarað þegar ákvörðun um ráðningu hefur verið tekin. Umsóknir gilda í a.m.k. sex mánuði ef staða losnar á ný. Samgöngustofa áskilur sér rétt til að hafna öllum umsóknum. 

Starfshlutfall er 100%

Umsóknarfrestur er til og með 19.04.2021

Nánari upplýsingar veitir

Harpa Þuríður Böðvarsdóttir - [email protected] - 4806000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira