Hoppa yfir valmynd
HeilbrigðisþjónustaHöfuðborgarsvæðiðLandspítali

Forstöðumaður kvenna- og barnaþjónustu

Forstöðumaður kvenna- og barnaþjónustu

Landspítali auglýsir eftir forstöðumanni kvenna- og barnaþjónustu í samræmi við skipurit spítalans. Forstöðumaður starfar innan aðgerðasviðs og leiðir kjarna kvenna- og barnaþjónustu, ásamt barna- og unglingageðþjónustu. Verkefni forstöðumanns er að þróa þjónustu við sjúklinga innan kjarnans og vinna að samhæfingu við aðra starfsemi spítalans í samræmi við stefnu og starfsáætlun Landspítala. 
 
Forstöðumaður heyrir undir framkvæmdastjóra aðgerðasviðs og myndar ásamt öðrum forstöðumönnum sviðsstjórn og ber með þeim ábyrgð á stefnumótun og rekstri. Jafnframt leiðir forstöðumaður teymi framlínustjórnenda, þ.e. yfirlækna og deildarstjóra, sem hafa það sameiginlega verkefni að samhæfa, efla og þróa þá þjónustu sem veitt er innan kjarnans á öruggan, faglegan og hagkvæman hátt. Starfssvið forstöðumanns fylgir þríþættri ábyrgð stjórnenda á Landspítala, þ.e. fagleg ábyrgð, starfsmannaábyrgð og fjárhagsleg ábyrgð. Forstöðumaður ber ríkar og gagnkvæmar skyldur til samvinnu, samráðs og uppbyggingar teymisvinnu. 
 
Leitað er að kraftmiklum leiðtoga, með klínískan bakgrunn, sem hefur brennandi áhuga á að vinna að því að byggja upp sterka liðsheild og að framfylgja stefnu, markmiðasetningu og framtíðarsýn spítalans. 

Helstu verkefni og ábyrgð

  • Forysta um þjónustu við sjúklinga
  • Efling kennslu og vísindastarfs
  • Forysta um uppbyggingu öryggismenningar, gæða- og umbótastarfs og árangursvísa
  • Uppbygging mannauðs og liðsheildar ásamt ábyrgð á starfsmannamálum
  • Ábyrgð á fjármálum og sjálfbærum rekstri kjarnans og þátttaka í gerð fjárhagsáætlunar
  • Stefnumótun, markmiðasetning, áætlanagerð og eftirfylgni
  • Samhæfing á starfsemi kjarna við önnur svið og kjarna
  • Sameiginleg ábyrgð á starfsemi spítalans, m.a. með því að stýra ásamt öðrum forstöðumönnum daglegu stöðumati spítalans

Starf forstöðumanns er 100% starf. Þó er forstöðumanni heimilt að starfa í klínískri eða akademískri vinnu á spítalanum eða tengdum stofnunum, með samþykki framkvæmdastjóra. 

Hæfniskröfur

  • Háskólapróf auk formlegrar viðbótarmenntunar sem nýtist í starfi er skilyrði
  • Klínískur bakgrunnur er skilyrði
  • Brennandi áhugi á uppbyggingu Landspítala og innleiðingu stefnu spítalans
  • Reynsla af að leiða umbótastarf, teymisvinnu og breytingastjórnun í heilbrigðisþjónustu
  • Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
  • Hæfni til að móta jákvætt vinnuumhverfi og byggja upp teymi
  • Mikil hæfni í tjáningu í ræðu og riti, á íslensku og ensku
  • Frumkvæði, drifkraftur og stefnumótandi hugsun
  • Horft er til stjórnunar- og rekstrarreynslu auk akademískrar reynslu við mat á umsóknum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Tekið er mið af jafnréttisstefnu Landspítala við ráðningar á spítalanum. 

Gert er ráð fyrir að ráðningatímabil forstöðumanns hefjist 1. ágúst 2021. Mat á umsóknum verður í höndum framkvæmdastjóra aðgerðasviðs, mannauðs og forstjóra. 
 
Umsækjendur eru beðnir að skila ítarlegri náms- og starfsferilskrá og kynningarbréfi, er innihaldi framtíðarsýn umsækjanda og rökstuðning fyrir hæfni til að gegna stöðunni. 
 
Landspítali er fjölmennasti vinnustaður landsins með yfir 6000 starfsmenn. Spítalinn hefur víðtæku hlutverki að gegna sem aðalsjúkrahús landsins og háskólasjúkrahús og veitir bæði almenna og sérhæfða þjónustu, auk þess að vera miðstöð menntunar og rannsókna í heilbrigðisvísindum. Nýtt skipurit spítalans byggist í grunninn á kjörnum, sem mynda þrjú svið. Hlutverk spítalans er þjónusta við sjúklinga, menntun heilbrigðisstétta og heilbrigðisvísindi. Lykiláherslur í stefnu spítalans eru öryggismenning, þjónusta, mannauður og stöðugar umbætur. 

Starfsmerkingar: Heilbrigðisþjónusta, forstöðumaður

Starfshlutfall er 100%

Umsóknarfrestur er til og með 17.05.2021

Nánari upplýsingar veitir

Hlíf Steingrímsdóttir - [email protected] - 824 5286

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira