Hoppa yfir valmynd
HeilbrigðisþjónustaHöfuðborgarsvæðiðLandspítali

Sálfræðingur - Sálfræðiþjónusta Barnaspítala Hringsins

Sálfræðingur - Sálfræðiþjónusta Barnaspítala Hringsins

Sálfræðiþjónusta Barnaspítala vill ráða til starfa metnaðarfullan og sjálfstæðan sálfræðing með góða samskiptafærni. Um er að ræða tímabundið afleysingastarf til eins árs. Starfið felur fyrst og fremst í sér greiningar og meðferðarvinnu með börnum og unglingum sem eru að takast á við tilfinningaleg og líkamleg vandamál tengd margskonar heilsubresti. 

Leitað er eftir sálfræðingi sem hefur áhuga á fjölbreyttu starfi í krefjandi þverfaglegu umhverfi. Starfið er laust í ágúst 2021 eða samkvæmt nánara samkomulagi. 

Hjá sálfræðiþjónustunni starfa 75 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og því unnið að fjölbreyttum umbótaverkefnum. Margvísleg tækifæri eru til rannsóknarvinnu.

Helstu verkefni og ábyrgð

  • Greiningar og meðferðarvinna með börnum og unglingum sem eru að takast á við tilfinningaleg og líkamleg vandamál tengd heilsubresti 
  • Einstaklings- og hópmeðferðarvinna, þá sérstaklega hugræn atferlismeðferð 
  • Ýmis konar fræðsla og ráðgjöf
  • Þátttaka í þverfaglegri teymisvinnu 
  • Önnur störf sem heyra undir starfsemi Sálfræðiþjónusta Barnaspítala 

Hæfniskröfur

  • Íslenskt starfsleyfi sálfræðings 
  • Þekking og reynsla af sálfræðilegri greiningu og sálmeinafræði 
  • Þekking og reynsla af hugrænni atferlismeðferð 
  • Reynsla af einstaklings- og hópmeðferðarvinnu 
  • Reynsla af þátttöku í þverfaglegri teymisvinnu heilbrigðisstétta æskileg 
  • Jákvætt viðmót og góð samskiptahæfni 
  • Hæfni til að vinna sjálfstætt og sýna frumkvæði 
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Tekið er mið af jafnréttisstefnu Landspítala við ráðningar á spítalanum. 

Umsækjendur skulu skila inn nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. Öllum umsóknum verður svarað. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, sálfræðingur

Starfshlutfall er 80%

Umsóknarfrestur er til og með 14.05.2021

Nánari upplýsingar veitir

Berglind Guðmundsdóttir - [email protected] - 543 9292
Berglind Brynjólfsdóttir - [email protected] - 543 9213

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira