Hoppa yfir valmynd
SérfræðistörfHöfuðborgarsvæðið

Verkefnisstjóri í samskipta-, vef- og markaðsmálum við Miðstöð í Lýðheilsuvísindum

Verkefnisstjóri í samskipta-, vef- og markaðsmálum við Miðstöð í Lýðheilsuvísindum

Laust til umsóknar 50% starf verkefnisstjóra í samskipta-, vef- og markaðsmálum, við Miðstöð í lýðheilsuvísindum (epiresearch.hi.is) sem er framsækin rannsóknarstofnun við Háskóla Íslands og hefur einnig umsjón með þverfræðilegu framhaldsnámi (mlv.hi.is).

Staðan er að hluta styrkt af rannsóknarfé og ráðningin er tímabundin til tveggja ára. 

Viðkomandi þyrfti að geta hafið störf sem fyrst.

 

Helstu verkefni og ábyrgð

  • Umsjón með frumhönnun, uppfærslu og viðhaldi á vefsíðum rannsóknaverkefna við MLV
  • Markaðsráðgjöf í kynningarmálum námsins og rannsóknarverkefna
  • Umsjón með samfélagsmiðlum rannsóknaverkefna og skrif á vefsíðum
  • Skráning á miðlun vísindaskrifa og kynninga í rannsóknaverkefnum
  • Styrkumsóknaskrif tengd kynningarátaki í rannsóknarverkefnum

Hæfniskröfur

  • Reynsla og/eða menntun í markaðs- og kynningarmálum
  • Reynsla og/eða menntun í frumhönnun og viðhaldi á vefsíðum
  • Hæfni í skrifum fyrir vef og miðlun efnis á samfélagsmiðlum
  • Mjög gott vald á íslensku og ensku ritmáli
  • Reynsla af verkefnastjórnun
  • Kostur að hafa sinnt verkefnum og/eða námi tengdu heilbrigðisrannsóknum
  • Kostur ef viðkomandi hefur reynslu í skrifum styrkumsókna
  • Hæfni í mannlegum samskiptum, áreiðanleiki, frumkvæði og sjálfstæði ásamt góðri hæfni til að miðla þekkingu
  • Sveigjanleiki og rík þjónustulund

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

  • Ferilskrá
  • Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Staðfest afrit af prófskírteinum
  • Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.  

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 50%

Umsóknarfrestur er til og með 17.05.2021

Nánari upplýsingar veitir

Unnur Anna Valdimarsdóttir - [email protected]
Dóra Ragnheiður Ólafsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira