Hoppa yfir valmynd
SkrifstofustörfHöfuðborgarsvæðiðLandspítali

Verkefnastjóri - Rafræn útfærsla á meðferð við áfallastreituröskun

Verkefnastjóri - Rafræn útfærsla á meðferð við áfallastreituröskun

Sálfræðiþjónusta Landspítala vill ráða til starfa öflugan starfsmann sem hefur áhuga á að taka þátt í þróun rafrænar meðferðar við áfallastreituröskun. Um er að ræða tímabundið starf í 6-12 mánuði við undirbúning og þróun á umfangsmiklu verkefni sem leitast við að auka aðgengi þolenda að gagnreyndri áfallameðferð.

Spennandi starf fyrir einstakling sem er lausnamiðaður, drífandi og með framúrskarandi samskipta- og skipulagshæfileika. Starfið er laust nú þegar eða eftir nánara samkomulagi. 

Helstu verkefni og ábyrgð

  • Verkefnastjórnun, dagleg umsjón og umsýsla verkefnisins, skipulag funda og samskipti við hagsmunaaðila
  • Virk þátttaka við þýðingar og útfærslu meðferðarefnis á stafrænan hátt í VideoScribe og aðrar starfrænar lausnir
  • Ýmis önnur fjölbreytt og krefjandi verkefni sem tengjast þróun stafrænnar meðferðarinnar

Hæfniskröfur

  • Grunnmenntun í sálfræði er æskileg 
  • Reynsla við verkefnastjórnun er kostur
  • Menntun og reynsla sem nýtist í starfi
  • Framúrskarandi hæfni í mannlegum samskiptum 
  • Mjög góð tölvufærni, reynsla af VideoScribe forritinu (eða sambærilegu) er kostur
  • Skipulagshæfileikar og sjálfstæð vinnubrögð 
  • Framúrskarandi færni í íslensku og ensku, töluðu og rituðu máli

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.

Tekið er mið af jafnréttisstefnu Landspítala við ráðningar á spítalanum og eru karlar jafnt sem konur hvött til að sækja um. 

Umsókn fylgi náms- og starfsferilskrá ásamt afriti af prófskírteinum og starfsleyfi, auk kynningarbréfs. Öllum umsóknum verður svarað. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, verkefnastjóri

Starfshlutfall er 80-100%

Umsóknarfrestur er til og með 14.05.2021

Nánari upplýsingar veitir

Berglind Guðmundsdóttir - [email protected] - 543 9292

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira