Hoppa yfir valmynd
HeilbrigðisþjónustaHöfuðborgarsvæðiðLandspítali

Sálfræðingur - Barna- og unglinga geðdeild BUGL

Sálfræðingur - Barna- og unglinga geðdeild BUGL

Spennandi störf í boði fyrir sálfræðinga hjá Sálfræðiþjónustu barna- og unglingageðdeildar Landspítala.  

Við sækjumst eftir tveimur metnaðarfullum sálfræðingum með góða samskiptahæfni til að starfa með börnum og unglingum sem eru að takast á við fjölþættan, samsettan geðvanda. Annað starfið er ótímabundið en hitt er tímabundið afleysingarstarf til eins árs.  Æskilegt að umsækjendur geti hafið störf sem fyrst eða eftir nánara samkomulagi.

BUGL er samsett úr göngu- og legudeild sem þjónustar börn með fjölþættan, samsettan vanda, fjölskyldur þeirra og nærumhverfi.  Starfsemin einkennist af þéttri þverfaglegri samvinnu og krefjandi, áhugaverðum verkefnum fyrir áhugasaman sálfræðing.  Á deildunum ríkir góður starfsandi og ýmis tækifæri eru til að vaxa í starfi og dýpka þekkingu og faglega færni. Stöðurnar sem eru lausar eru báðar á göngudeild.

Á BUGL er markvisst unnið að umbótum og framþróun. Margvísleg tækifæri eru til að dýpka þekkingu sína í greiningu og meðferð algengra geðraskana. Verkefnin á göngudeild BUGL eru fyrst og fremst að sinna greiningar- og meðferðarvinnu með börnum og unglingum með geðvanda. Einnig sinna sálfræðingar einstaklings- og hópmeðferðarvinnu, þá sérstaklega hugræna atferlismeðferð. Áhersla er lögð á góð og markviss samskipti við aðstandendur og nærumhverfi. Góð aðlögun og stuðningur er veittur í upphafi starfs auk faghandleiðslu eftir þörfum. Lögð er áhersla á þverfaglega teymisvinnu, fjölskyldumiðaða nálgun og gagnreynd vinnubrögð.

Helstu verkefni og ábyrgð

  • Greiningar og meðferðarvinna með börnum og unglingum með geðvanda
  • Einstaklings- og hópmeðferðarvinna, þá sérstaklega hugræn atferlismeðferð
  • Þátttaka í þverfaglegri teymisvinnu
  • Miðlun fræðslu og þekkingar á vanda barna- og ungmenna með geðraskanir
  • Önnur störf sem heyra undir starfsemi BUGL

Hæfniskröfur

  • Íslenskt starfsleyfi sálfræðings
  • Þekking og reynsla af sálfræðilegri greiningu og sálmeinafræði
  • Þekking og reynsla af hugrænni atferlismeðferð
  • Jákvætt viðmót og afburða samskiptahæfni
  • Áhugi og sveigjanleiki í starfi
  • Hæfni til að vinna sjálfstætt og sýna frumkvæði
  • Hæfni til að vinna í þverfaglegri teymisvinnu heilbrigðisstétta
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Tekið er mið af jafnréttisstefnu Landspítala við ráðningar á spítalanum. 

Umsækjendur skulu skila inn nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Starfið er laust nú þegar eða samkvæmt samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi auk kynningarbréfs. Öllum umsóknum verður svarað. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfsmerkingar: Heilbrigðisþjónusta, sálfræðingur

Starfshlutfall er 80-100%

Umsóknarfrestur er til og með 14.05.2021

Nánari upplýsingar veitir

Berglind Guðmundsdóttir - [email protected] - 543 9292
Guðlaug María Júlíusdóttir - [email protected] - 543 4452

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira