Hoppa yfir valmynd
SkrifstofustörfHöfuðborgarsvæðið

Aðjúnkt í leikskólafræði. Háskóli Íslands, Menntavísindasvið

Aðjúnkt í leikskólafræði. Háskóli Íslands, Menntavísindasvið

Laust er til umsóknar fullt starf aðjúnkts í leikskólafræði við Menntavísindasvið Háskóla Íslands til tveggja ára. Meðal viðfangsefna aðjúnktsins verða kennsla og rannsóknir í leikskólafræði t.d. á sviði menntastjórnunar og forystu, starfsþróunar eða starfendarannsókna í leikskólum. Starfsskyldur aðjúnkts eru kennsla, rannsóknir og stjórnun.

Helstu verkefni og ábyrgð

  • Kennsla á grunn- og meistarastigi í leikskólafræði.
  • Leiðsögn með lokaverkefnum nemenda.
  • Þátttaka í rannsóknum á einhverjum ofannefndum sviðum leikskólafræði.
  • Að taka þátt í að þróa kennslu í leikskólafræði innan Menntavísindasviðs.
  • Að efla samstarf við starfsvettvang leikskólakennara.

Hæfniskröfur

  • Meistarapróf á sviði menntunarfræði leikskóla.
  • Starfsreynsla í leikskóla.
  • Reynsla af kennslu í háskóla er æskileg.
  • Reynsla af rannsóknarsamstarfi er kostur.
  • Góð samstarfshæfni og lipurð í mannlegum samskiptum.

Horft verður til þess að umsækjendur falli sem best að aðstæðum og þörfum sviðsins í heild.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til tveggja ára. Gert er ráð fyrir að ofangreint starf verði veitt frá 1. júlí 2021 eða samkvæmt nánara samkomulagi. 

Laun eru samkvæmt kjarasamningi Félags háskólakennara og fjármála- og efnahagsráðherra.

Umsóknum þarf að fylgja 1) greinargóð skýrsla um kennslureynslu umsækjanda og sýn hans á kennslu og kennsluþróun, 2) yfirlit yfir rannsóknir og ritsmíðar (ritaskrá) og fyrirhugaðar rannsóknir, 3) yfirlit um námsferil og störf (curriculum vitae), svo og 4) staðfest afrit af prófskírteinum. Ennfremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. 

Starfshlutfall er 100%

Umsóknarfrestur er til og með 14.05.2021

Nánari upplýsingar veitir

Kristín Jónsdóttir - [email protected]
Lára Rún Sigurvinsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira