Hoppa yfir valmynd
HeilbrigðisþjónustaHöfuðborgarsvæðiðHeilsugæsla höfuðborgarsvæðisins

Hjúkrunarfræðingur Heilsugæslan Miðbæ

Hjúkrunarfræðingur Heilsugæslan Miðbæ

Heilsugæslan Miðbæ auglýsir eftir hjúkrunarfræðingi til starfa tímabundið til eins árs. Starfshlutfall er 90%. Viðkomandi þarf að geta hafið störf 1.ágúst nk. eða eftir nánara samkomulagi. 

Megin starfssvið er skólaheilsugæsla ásamt hjúkrunarmóttöku. Um er að ræða spennandi starfsvettvang fyrir hjúkrunarfræðinga sem hafa áhuga á að taka þátt í þróun heilsugæsluhjúkrunar. Á stöðinni eru starfandi sérfræðingar í heimilislækningum, hjúkrunarfræðingar, ljósmæður, sálfræðingar og ritarar.

Heilsugæslan Miðbæ þjónar fyrst og fremst íbúum í 101 Reykjavík en öllum er frjálst að skrá sig á stöðina Góður starfsandi er á stöðinni og lögð er áhersla á góða samvinnu allra starfsstétta. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is). 

Helstu verkefni og ábyrgð

Megin starfssvið hjúkrunarfræðinga í heilsugæslu er mjög fjölbreytt. Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni. 

Starfssvið í móttöku er mjög víðtækt, allt frá símaráðgjöf til bráðaþjónustu. Hjúkrunarmóttakan sinnir fólki á öllum aldri og skiptist í opna móttöku, bókaða móttöku og símaráðgjöf. 

Hæfniskröfur

  • Íslenskt hjúkrunarleyfi
  • Reynsla af skóla- og/eða heilsugæsluhjúkrun æskileg
  • Reynsla af fjölskylduhjúkrun æskileg
  • Áhugi og vilji til að vinna með börnum og fjölskyldum
  • Þekking á forvarnar- og heilsueflingarstarfi
  • Færni í fyrirlestrahaldi
  • Þekking á réttindum barna
  • Sjálfstæði í starfi, skiplagningarhæfni og öguð vinnubrög
  • Reynsla og áhugi á teymisvinnu
  • Reynsla af bráða- og slysamóttöku er kostur
  • Mikil samskiptahæfni og sveigjanleiki
  • íslenskukunnátta og góð almenn tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilsskrá ásamt kynningarbréfi þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 90%

Umsóknarfrestur er til og með 17.05.2021

Nánari upplýsingar veitir

Hafdís Ólafsdóttir - [email protected] - 513-5950
Hörður Björnsson - [email protected] - 513-5950

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira