Hoppa yfir valmynd
SkrifstofustörfHöfuðborgarsvæðiðHáskóli Íslands

Verkefnastjóri á skrifstofu Sálfræðideildar Heilbrigðisvísindasviðs

Verkefnastjóri á skrifstofu Sálfræðideildar Heilbrigðisvísindasviðs

Laust er til umsóknar tímabundið til 8 mánaða 75% starf verkefnastjóra á skrifstofu Sálfræðideildar Háskóla Íslands vegna afleysinga. 

Um er að ræða spennandi og krefjandi stoðþjónustustarf, sem einkum snýr að verkefnumí tengslum við grunn- og framhaldsnám, kynningarmál, auk umsjónar með starfsnámi hagnýtrar sálfræði. Æskilegt er að viðkomandi geti tekið til starfa sem fyrst að loknum sumarleyfum í byrjun ágúst. 

 

Sálfræðideild er til húsa í Nýja garði við Sæmundargötu, steinsnar frá Háskólatorgi og hringiðu háskólasamfélagsins. Deildin er ein sex deilda á Heilbrigðisvísindasviði Háskóla Íslands. Þar starfar á annan tug fastráðinna kennara, auk fjölda stundakennara. Á skrifstofu deildarinnar eru fyrir tveir starfsmenn.

Helstu verkefni og ábyrgð

  • Almenn stjórnsýslustörf, þ.m.t. þjónusta við nemendur, kennara og aðra sem til deildarinnar leita.
  • Umsjón með skipulagi starfsnáms í hagnýtri sálfræði.
  • Undirbúningur fyrir fundi kennslunefnda, ritun fundargerða og eftirfylgni ýmissa mála.
  • Skrif á vefsíðu deildarinnar, gerð kynningarefnis, utanumhald námskynninga o.fl. sem tengistmarkaðsstarfi deildarinnar.
  • Vinna við Kennsluskrá og prófahald.
  • Undirbúningur fyrir brautskráningu.

Hæfniskröfur

  • Háskólapróf sem nýtist í starfi.
  • Gott vald á upplýsingatækni og hæfni til að tileinka sér nýjungar á því sviði.
  • Góð samskiptahæfni og rík þjónustulund.
  • Sjálfstæði og frumkvæði í starfi.
  • Gott vald á íslensku og ensku, bæði í ræðu og riti.
  • Reynsla af störfum í háskólaumhver telst kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókninni: 

i. Ferilskrá 

ii. Staðfest afrit af prófskírteinum 

iii. Upplýsingar um meðmælendur 

iv. Greinargerð þar sem áhuga fyrir verkefninu er lýst og fjallað um hvað umsækjandi getur lagt af mörkum til þess. 

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200. 

 

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 75%

Umsóknarfrestur er til og með 16.06.2021

Nánari upplýsingar veitir

Ingiríður Þórisdóttir - [email protected] - 525 5269

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira