Hoppa yfir valmynd
Kennsla og rannsóknirHöfuðborgarsvæðið

Lektor í taugalæknisfræði

Lektor í taugalæknisfræði

Laust er til umsóknar 25% starf lektors í taugalæknisfræði á fræðasviði taugalækninga við Læknadeild Háskóla Íslands.

 

Forsenda fyrir ráðningu í starf lektors er að viðkomandi sé  jafnframt ráðinn á taugalækningadeild Landspítala og hafi þar aðstöðu til að sinna klínískri kennslu læknanema.

Helstu verkefni og ábyrgð

Sem lektor mun sá sem ráðinn verður uppfylla sína kennsluskyldu innan fræðasviðs taugalækninga, þ.m.t. klínísk kennsla á Landspítala samhliða starfi þar. Þá stundi viðkomandi rannsóknir í sinni sérgrein á fræðasviðinu.

Gert er ráð fyrir að ofangreint starf verði veitt frá 15. október 2021 enda verði störfum nefnda, sem um málið fjalla, þá lokið.

Hæfniskröfur

  • Umsækjendur skulu hafa lokið doktorsprófi á fræðasviðinu eða hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar.
  • Sérfræðileyfi í taugalækningum og viðkomandi starfi á því sviði
  • Rannsóknavirkni á fræðasviðinu, sjálfstæði og frumkvæði í rannsóknum.
  • Reynsla af háskólakennslu, fræðilegri og klíniskri.
  • Reynsla af leiðbeiningu til æðri háskólagráðu er æskileg.
  • Stjórnunarreynsla er æskileg.
  • Reynsla af öflun styrkja til rannsóknastarfa er kostur.
  • Góð samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við, að sá er starfið hlýtur falli sem best að aðstæðum og þörfum Læknadeildar.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Gert er ráð fyrir að sá sem ráðinn verður í starfið sé samhliða í starfi við Háskóla Íslands og Landspítala en hafi ráðningarsamning við hvora stofnun fyrir sig.

Umsækjendur skulu láta eftirfarandi gögn fylgja umsókn sinni.

  • Kynningarbréf þar sem m.a. kemur fram hvernig umsækjandi uppfyllir hæfniskröfur
  • Prófskírteini eða eftir atvikum vottorð um námsferil
  • Akademíska ferilskrá (Curriculum Vitae)
  • Ritaskrá
  • Skýrslu um vísindastörf og önnur störf sem þeir hafa unnið
  • Greinargerð um rannsóknar- og kennsluáform ef til ráðningar kemur
  • Upplýsingar um mögulega umsagnaraðila sem hafa má samband við

 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til Vísinda- og nýsköpunarsviðs Háskóla Íslands, Sæmundargötu 2, 102 Reykjavík.

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 25%

Umsóknarfrestur er til og með 03.08.2021

Nánari upplýsingar veitir

Engilbert Sigurðsson - [email protected]
Elías Ólafsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira