Hoppa yfir valmynd
Kennsla og rannsóknirHöfuðborgarsvæðið

Doktorsnemi í lífefna- eða sameindalíffræði við Lífvísindasetur Háskóla Íslands

Doktorsnemi í lífefna- eða sameindalíffræði við Lífvísindasetur Háskóla Íslands

Efnaskipti í vanvirku æðaþeli samfara losti

Við leitum að áhugasömum doktorsnema til að vinna að rannsóknaverkefni við Lífvísindasetur Háskóla Íslands. Verkefnið er fjármagnað til þriggja ára og snýr að auðkenningu á starfsemi æðaþels samfara losti. 

 

Viðkomandi þyrfti að geta hafið störf í september eða október 2021. 

 

Helstu verkefni og ábyrgð

Æðaþelið er örþunnt lag af frumum á innanverðum æðum sem tekur þátt í að miðla bólgusvari líkamans. Skert starfsemi æðaþels er einkenni fjölda sjúkdóma til að mynda COVID-19 en einnig hjarta- og æðasjúkdóma sem eru leiðandi dánarorsök í heiminum. 

Verkefnið er fjölþátta og notar nýjustu tækni og aðferðir svo sem CRISPR stökkbreytingar, myndgreiningar, RNAseq, proteomics, metabolomics og lífupplýsingafræðilegar greiningar frumu og klínískra gagna. 

Lífvísindasetur Háskóla Íslands (www.lifvisindi.hi.is) er samstarf allra þeirra sem vinna að lífvísindum við háskóla og stofnanir á Íslandi. Setrið hefur byggt alþjóðlega samkeppnishæfa aðstöðu til rannsókna á sviði lífvísinda en innan þess starfa á annað hundrað vísindamanna og nemenda. 

Hæfniskröfur

  • Nýlegt MS próf í erfðafræði, sameindalíffræði, frumulíffræði, lífefnafræði, lífverkfræði eða skyldum greinum
  • Reynsla af rannsóknum á ofangreindum sviðum
  • Góð þekking á tölvuvinnslu og gagnagreiningu - grunn þekking á forritun er kostur
  • Góð enskukunnátta - í ræðu og riti
  • Sjálfstæð vinnubrögð
  • Færni til að starfa í teymi

Sá umsækjandi er fyrir valinu verður, þarf að sækja formlega um skráningu í doktorsnám og fá hana samþykkta áður en starfið getur hafist. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn þurfa að fylgja umsókninni:

  • Lýsing á því hvernig umsækjandi uppfyllir ofangreind skilyrði, hvoru verkefninu þeir hafa áhuga á að vinna og hvernig þeir telja sig geta lagt til verkefnisins (2 bls hámark).
  • Ferilskrá ásamt ritaskrá, ef við á
  • Prófskírteini og námsferilsyfirlit
  • Meðmælabréf frá fyrri leiðbeinendum.

Umsækjendur geta einnig skilað doktors eða meistararitgerðum og greinum ef við á að hámarki 5 slík skjöl. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 15.07.2021

Nánari upplýsingar veitir

Óttar Rolfsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira