Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Doktorsnemi við Menntavísindasvið Háskóla Íslands

Doktorsnemi við Menntavísindasvið Háskóla Íslands

Auglýst er eftir doktorsnema til að taka þátt í rannsóknarverkefni sem nýlega hlaut styrk frá Rannsóknasjóði Háskóla Íslands. Rannsóknarverkefnið ber heitið Assessing the effects of evidence-based PAX classroom management on teacher and student functioning. Markmiðið er að meta áhrif sannreyndra bekkjarstjórnunaraðferða á nám, hegðun og líðan grunnskólanemenda sem og líðan og starfsánægju kennara. Lagt verður mat á áhrif aðferðanna með fjölbreyttum aðferðum

Helstu verkefni og ábyrgð

Rannsóknarverkefnið er unnið af teymi rannsakenda við Háskóla Íslands og Háskólann í Rhode Island (University of Rhode Island) í Bandaríkjunum í samstarfi við innlenda og erlenda fagaðila. Rannsóknarverkefnið er styrkt til þriggja ára. Vinna doktorsnema við rannsóknina og greinaskrif í tengslum við hana verður uppistaða doktorsverkefnisins. Doktorsneminn mun vinna undir leiðsögn dr. Önnu-Lindar Pétursdóttur, prófessors á Menntavísindasviði HÍ og dr. Lisu Weyandt, prófessors við Háskólann í Rhode Island og í samstarfi við dr. Bergljótu Gyðu Guðmundsdóttur, lektor á Menntavísindasviði HÍ sem og aðra aðila í rannsóknarteyminu.

Skyldur doktorsnema felast í undirbúningi verkefnis, þátttöku í gagnasöfnun, gagnagreiningu og skrifum fræðigreina um hluta af niðurstöðum rannsóknarinnar undir handleiðslu leiðbeinenda og annarra sem tengjast verkefninu. Þótt doktorsnemi gangi inn í áður mótaða rannsókn býður verkefnið upp á sveigjanleika og frekari útfærslur á viðfangsefninu. Doktorsneminn getur valið sér viðfangsefni innan rannsóknarinnar til að gera að sínu doktorsverkefni. Doktorsnámið veitir góðan undirbúning fyrir fræðastörf svo sem háskólakennslu, rannsóknir, ráðgjafastörf, stjórnun, stefnumótun og önnur mikilvæg störf innan menntavísinda.

Hæfniskröfur

  • Umsækjandi skal hafa lokið (eða vera að ljúka) meistaraprófi á sviði mennta- eða félagsvísinda, s.s. kennslufræði, sálfræði eða atferlisgreiningar.
  • Þekking á megindlegum rannsóknaraðferðum er æskileg.
  • Góð íslensku og enskukunnátta, bæði í töluðu og rituðu máli.
  • Reynsla af skrifum fræðilegs texta er kostur.
  • Góð samskiptafærni og geta til þess að vinna bæði sjálfstætt og í teymi.

Í framhaldi af ákvörðun um ráðningu þarf viðkomandi að sækja formlega um doktorsnám í Háskóla Íslands.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst, eða samkvæmt nánara samkomulagi. Til skoðunar getur komið að doktorsneminn sinni kennslu samhliða námi sem nemur allt að 20% starfshlutfalli. 

 

Umsækjendur eru beðnir um að láta eftirfarandi gögn fylgja umsókninni: 

  • Greinargerð, þar sem umsækjandi lýsir hvernig hann uppfyllir skilyrði stöðunnar, hvers vegna hann hefur áhuga á að vinna þetta verkefni og hugmyndum sínum um framlag til verkefnisins (hámark tvær síður).
  • Ferilskrá (CV) og staðfest afrit af prófskírteinum.
  • Upplýsingar um tvo umsagnaraðila (nafn, tengsl við umsækjanda, tölvupóstfang og símanúmer).

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2. Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands. 

 

Menntavísindasvið er eitt af fimm fræðasviðum Háskóla Íslands. Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 16.06.2021

Nánari upplýsingar veitir

Anna Lind G Pétursdóttir - [email protected] - 6945335
Lára Rún Sigurvinsdóttir - [email protected] - 5255905

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira