Hoppa yfir valmynd
Kennsla og rannsóknirHöfuðborgarsvæðið

Doktorsnemi við Raunvísindadeild

Doktorsnemi við Raunvísindadeild

Auglýst er eftir doktorsnema til 3 ára við Raunvísindadeild á Verkfræði- og náttúruvísindasviði Háskóla Íslands vegna verkefnisins: Áhrif segulsviðs á ræktunarhraða og jónunarhlutfall í háflspúlsaðri segulspætu. 

Helstu verkefni og ábyrgð

Verkefnið snýst um að kanna áhrif hremmandi segulsviðs á ræktunarhraða og jónunarhlutfall í háflspúlsaðri segulspætu og hver áhrif segulsviðsins eru á eiginleika afhleðslunnar eins og aflflutning til rafeinda  og endurvinnslu jóna. Verkefnið fellst að mestu í líkanagerð, en einhver tilraunavinna getur verið nauðsynleg.  Hluti verkefnisins er að kynna niðurstöður með fyrirlestrum á alþjóðlegum ráðstefnum og ritun greina í viðurkennd vísindatímarit. Verkefnið er styrkt af Doktorsnemsjóði Háskóla Íslands og Rannsóknasjóði Íslands. Frekari upplýsingar um verkefnið er að finna á http://langmuir.raunvis.hi.is/~tumi/hipims.html og um segulspætur almennt á https://doi.org/10.1088/1361-6595/abb7bd

Hæfniskröfur

  • Umsækjendur skulu hafa meistarapróf í eðlisfræði, efnaverkfræði, eðlisverkfræði, rafmagnsverkfræði, eða efnisvísindum.
  • Sjálfstæði í vinnubrögðum og hæfni í mannlegum samskiptum.
  • Góður bakgrunnur í rafsegulfræði og atómeðlisfræði
  • Færni í notkun MATLAB,  og LaTeX.

Ráðning er háð því að nemandinn sæki formlega um doktorsnám við deildina og verði samþykktur inn í það, stundi hann ekki doktorsnám nú þegar.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Umsókninni skal fylgja i) kynnisbréf (ekki lengra en 3 bls) þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess. Til viðbótar skal fylgja; (ii) ferilskrá, (iii) afrit af prófskírteinum (grunnnám og meistarapróf), og (iv) tvö umsagnarbréf og upplýsingar um hvernig má hafa samband við umsagnaraðila.

Æskilegt er að umsækjandi geti hafið störf 1. ágúst 2021.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Starfshlutfall er 100%

Umsóknarfrestur er til og með 30.06.2021

Nánari upplýsingar veitir

Jón Tómas Guðmundsson - [email protected] - 5254946

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira