Hoppa yfir valmynd
HeilbrigðisþjónustaHöfuðborgarsvæðið

Lyfjafræðingur - Sumarstarf í blöndunareiningu sjúkrahúsapóteksins

Lyfjafræðingur - Sumarstarf í blöndunareiningu sjúkrahúsapóteksins

Lyfjaþjónusta Landspítala óskar eftir að ráða lyfjafræðing til sumarstarfa í blöndunareiningu sjúkrahúsapóteksins. Æskilegt að umsækjandi geti hafið störf sem fyrst. Við hvetjum karla jafnt sem konur til að sækja um starfið.

Í lyfjablöndun sjúkrahússapóteksins starfar 17 manna samhentur hópur sem blandar einkum næringarblöndur og krabbameinslyfjablöndur. Í lyfjaþjónustu Landspítala starfa um 70 lyfjafræðingar, lyfjatæknar og sérhæfðir starfsmenn við fjölbreytt verkefni og þjónusta sjúklinga á öllum deildum spítalans með öflun, blöndun og dreifingu lyfja ásamt faglegri upplýsingagjöf um lyf.

Helstu verkefni og ábyrgð

  • Umsýsla og afgreiðsla lyfja 
  • Umsjón, undirbúningur og framkvæmd lyfjablöndunar
  • Fagleg ráðgjöf og samskipti til samstarfsfélaga, annars heilbrigðisstarfsfólks og skjólstæðinga um lyfjatengd mál
  • Önnur tilfallandi verkefni úthlutað af stjórnanda

Hæfniskröfur

  • Íslenskt starfsleyfi sem lyfjafræðingur
  • Reynsla af störfum í apóteki og/ eða lyfjaframleiðslu er kostur
  • Skipulögð, nákvæm og öguð vinnubrögð
  • Geta til þess að vinna samkvæmt gæðastöðlum
  • Góð samskiptahæfni, liðsmaður og jákvætt viðmót
  • Góð íslensku- og tölvukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Lyfjafræðingafélag Íslands hafa gert.

Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Lyfjafræðingur

Starfshlutfall er 100%

Umsóknarfrestur er til og með 14.06.2021

Nánari upplýsingar veitir

Tinna Rán Ægisdóttir - [email protected] - 620 1620

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira