Hoppa yfir valmynd
HeilbrigðisþjónustaHöfuðborgarsvæðið

Hjúkrunarfræðingar óskast í Blóðbankann Snorrabraut 60

Hjúkrunarfræðingar óskast í Blóðbankann Snorrabraut 60

Blóðbankinn óskar eftir að ráða hjúkrunarfræðinga til starfa við Blóðbankann á Snorrabraut 60. Störfin eru bæði fjölbreytt og krefjandi. Í boði er góð einstaklingsaðlögun undir leiðsögn reyndra hjúkrunarfræðinga og frábært starfsumhverfi. 

Starfshlutfall er 80-100% og eru störfin laus nú þegar eða eftir nánara samkomulagi. Starfsmenn eru dagvinnumenn með breytilegan vinnutíma sem er aðlagaður að þörfum starfseminnar.

Helstu verkefni og ábyrgð

  • Móttaka blóðgjafa, mat á hæfi þeirra, heilsu og blóðtaka
  • Sértæk blóðsöfnun með blóðfrumuskiljuvélum
  • Blóðsöfnunarferðir á höfuðborgarsvæðinu og út á land
  • Öflun blóðgjafa og markaðsstarf
  • Skráning upplýsinga og vinna í gæðakerfi

Hæfniskröfur

  • Íslenskt hjúkrunarleyfi
  • Fagmennska, nákvæmni og vilji til að tileinka sér nýjungar
  • Gott viðmót, jákvæðni og lipurð í mannlegum samskiptum
  • Góð tölvukunnátta
  • Góð íslenskukunnátta nauðsynleg og góður skilningur á ensku
  • Sterkur vilji til að standa sig í skemmtilegu og krefjandi starfi

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Blóðbankinn sinnir öllum þáttum blóðbankaþjónustunnar  fyrir landið samkvæmt reglugerð. Í Blóðbankanum er samhentur hópur starfsmanna; hjúkrunarfræðingar, læknar, náttúrufræðingar, lífeindafræðingar og skrifstofumenn. Þar er unnið samkvæmt vottuðu gæðakerfi og er markmið allra starfsmanna að viðhalda gæðakerfinu og vinna í samræmi við hlutverk og stefnu Blóðbankans.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. 

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur

Starfshlutfall er 80-100%

Umsóknarfrestur er til og með 15.06.2021

Nánari upplýsingar veitir

Ína Björg Hjálmarsdóttir - [email protected] - 824 5287
Vigdís Jóhannsdóttir - [email protected] - 824 0291

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira