Hoppa yfir valmynd
HeilbrigðisþjónustaHöfuðborgarsvæðið

Hjúkrunardeildarstjóri almennrar lyflækningadeildar B7

Hjúkrunardeildarstjóri almennrar lyflækningadeildar B7

Leitum eftir kraftmiklum stjórnanda með brennandi áhuga á að  leiða og efla starfsemi gigtar- og almennrar lyflækningadeildar B7 í Fossvogi. 

Deildin sem heyrir undir lyflækningaþjónustu Landspítala er 16 rúma bráðalegudeild og dagdeild fyrir almennar lyflækningar. Um 70 manns starfa á deildinni. Lögð er áhersla einstaklingsmiðaða og heildræna þjónustu, teymisvinnu og góðan starfsanda.

Starfshlutfall er 100% og veitist frá og með 1. september 2021 eða eftir nánara samkomulagi.

Helstu verkefni og ábyrgð

Hjúkrunardeildarstjóri er leiðtogi og yfirmaður sem stýrir daglegum rekstri og er leiðandi um fagleg málefni innan deildarinnar. Hann hefur þríþætta ábyrgð sem stjórnandi, þ.e.a.s. faglega ábyrgð, starfsmannaábyrgð og fjárhagslega ábyrgð í samráði við forstöðumann lyflækninga- og bráðaþjónustu og framkvæmdastjóra meðferðarsviðs. Hann ber einnig ábyrgð á að efla kennslu- og vísindastarf og setur markmið um kennslu og rannsóknir. Auk þess setur hann markmið um gæði og öryggi þjónustunnar. Hjúkrunardeildarstjóri myndar ásamt yfirlækni stjórnendateymi og ber ábyrgð á stefnumótun og rekstri deildarinnar.

Hæfniskröfur

  • Íslenskt hjúkrunarleyfi og farsæl starfsreynsla sem hjúkrunarfræðingur 
  • Viðbótarmenntun á háskólastigi sem nýtist í starfi
  • Færni í stjórnunarhlutverki, þ.e. fagleg ábyrgð, starfsmannaábyrgð og fjárhagsleg ábyrgð 
  • Þekking og reynsla af öryggis-, gæða- og umbótastarfi 
  • Þekking og reynsla af kennslu og vísindastörfum 
  • Jákvætt lífsviðhorf, lausnamiðuð nálgun og framúrskarandi leiðtoga- og samskiptahæfileikar
  • Frumkvæði og metnaður til að ná árangri

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum. 

Í umsóknarformið skal skrá inn upplýsingar um:
» Fyrri störf, menntun og hæfni 
» Félagsstörf og umsagnaraðila 

 Nauðsynleg fylgiskjöl:
» Vottað afrit af prófskírteinum og starfsleyfum 
» Ferilskrá ásamt kynningarbréfi með rökstuðningi fyrir hæfni og sýn á starfið.

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Starfsmerkingar: Heilbrigðisþjónusta, Hjúkrunarfræðingur, hjúkrunardeildarstjóri

Starfshlutfall er 100%

Umsóknarfrestur er til og með 21.06.2021

Nánari upplýsingar veitir

Runólfur Pálsson - [email protected] - 824 5827
Anna Dagný Smith - [email protected] - 825 3675

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira