Hoppa yfir valmynd
HeilbrigðisþjónustaHöfuðborgarsvæðiðLandspítali

Heilbrigðisritari/ skrifstofumaður óskast á bráðamóttöku barna á Barnaspítala Hringsins

Heilbrigðisritari/ skrifstofumaður óskast á bráðamóttöku barna á Barnaspítala Hringsins

Laus eru til umsóknar 2 störf ritara í móttöku Barnaspítala Hringsins á Landspítala. Um er að ræða 60-80% störf við almenna móttöku og símavörslu. Unnið er á dag- og kvöldvöktum, virka daga sem og um helgar. Ráðið verður í störfin 1. september 2021 eða eftir samkomulagi. 

Á Barnaspítalanum er veitt sérhæfð, fjölskyldumiðuð heilbrigðisþjónusta fyrir börn og unglinga að 18 ára aldri. Í allri þjónustu er áhersla lögð á að greina þarfir og auka vellíðan skjólstæðinganna, með gildi Landspítala um umhyggju, fagmennsku, öryggi og framþróun að leiðarljósi. Samskipti sem byggja á virðingu og stuðningi við börnin og fjölskyldur þeirra er mikilvægur þáttur í starfsemi Barnaspítalans.

Helstu verkefni og ábyrgð

  • Móttaka, almenn upplýsingagjöf, inn- og útskriftir
  • Símavarsla
  • Innheimta gjalda 
  • Birgðaumsjón og frágangur
  • Önnur verkefni í samvinnu við deildarstjóra

Hæfniskröfur

  • Heilbrigðisritaramenntun er æskileg, stúdentspróf og/ eða reynsla af ritarastörfum
  • Samskiptahæfni, þjónustulipurð og jákvætt viðmót 
  • Nákvæmni í vinnubrögðum, skipulagshæfni og geta til að vinna undir álagi
  • Góð íslensku- og enskukunnátta
  • Góð tölvukunnátta
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Tekið er mið af jafnréttisstefnu Landspítala við ráðningar á spítalanum. 

Umsókn fylgi náms- og starfsferilskrá. Öllum umsóknum verður svarað. 

Umsækjendur skulu skila inn nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisritari, skrifstofumaður

Starfshlutfall er 60-80%

Umsóknarfrestur er til og með 18.06.2021

Nánari upplýsingar veitir

Rannveig Björk Guðjónsdóttir - [email protected] - 893 5332
Hrönn Harðardóttir - [email protected] - 897 5600

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira