Hoppa yfir valmynd
SérfræðistörfHöfuðborgarsvæðið

Aðstoðaryfirlögregluþjónn í þjónustudeild

Aðstoðaryfirlögregluþjónn í þjónustudeild

Lögreglustjórinn á höfuðborgarsvæðinu leitar eftir drífandi og framsýnum einstaklingi í stöðu aðstoðaryfirlögregluþjóns í þjónustudeild. Um spennandi, krefjandi og fjölbreytt starf er að ræða en þjónustudeild heyrir undir stjórnsýslu- og þjónustusvið embættisins. 

Þjónustudeild sinnir margvíslegri þjónustu þvert á embættið og starfrækir m.a. ritaraþjónustu, skýrsluþjónustu, sektarþjónustu, þjónustuborð og munavörslu. Þá heyra málefni tengd skjalastjórnun, leyfisveitingum, stafrænni þróun auk annarra umbótaverkefna undir þjónustudeild.

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á jafnrétti, starfsánægju, heilbrigðan starfsanda, traust og gagnsæi í samskiptum og að starfsfólk búi yfir þekkingu og hæfni til að takast á við fjölbreytileg verkefni. Starfsfólk embættisins er um 430 á fjórum megin starfsstöðvum. 

Gildi embættis lögreglustjórans á höfuðborgarsvæðinu eru TRAUST, FAGMENNSKA og ÖRYGGI.

Umsækjandi skal hafa lokið prófi frá Lögregluskóla ríkisins eða diplómaprófi í lögreglufræðum frá Háskólanum á Akureyri sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar og hafa starfað sem lögreglumaður í að minnsta kosti 5 ár að prófi loknu, sbr. 3 mgr. 14. gr. reglugerðar nr. 1051/2006 um starfsstig innan lögreglu. 

Helstu verkefni og ábyrgð

Í samræmi við 6. gr. reglugerð 10/2006 um starfstig innan lögreglu, þ. á m. stjórn og ábyrgð á deild og tilteknum verkefnum sem þarfnast sérstakrar þekkingar og að eftirlit með reglum og fyrirmælum sé fylgt. Í starfinu felst meðal annars:

  • Ábyrgð og dagleg stjórnun þjónustudeildar og verkefnum sem þar eru unnin
  • Tryggir að unnið sé í samræmi við stefnu, áherslur og markmið LRH
  • Leiðir og kemur að umbótastarfi innan embættisins
  • Ábyrgð á stafrænni þróun hjá embættinu, þ. á m. umsjón með rafrænni þjónustu við almenning og sjálfsþjónustu í anddyrum lögreglustöðva
  • Ábyrgð á gæðahandbók og skjalamálum embættisins, þ. á m. uppfærslum á verklagi og verklagsreglum
  • Ábyrgð og umsjón með rekstri samfélagmiðla LRH
  • Þáttaka í miðlun upplýsinga til almennings og hagaðila í samstarfi við aðra starfsmenn embættisins, þ. á m. þátttaka í fjölmiðlavakt embættisins

Hæfniskröfur

  • Yfirgripsmikil þekking og reynsla af starfsemi lögreglu er skilyrði
  • Reynsla af stjórnun, mannauðsmálum og þekking á verkefnastjórnun er skilyrði
  • Reynsla og þekking af umbótastarfi, rýni og umbætur verkferla er skilyrði
  • Reynsla og þekking af innleiðingu og viðhaldi rafrænnar þjónustu er skilyrði
  • Reynsla og þekking af samfélagsmiðlum og annarri miðlun upplýsinga er æskileg
  • Brennandi áhugi á umbótastarfi og á að efla starfsfólk í störfum sínum
  • Framúrskarandi samskipta-  og samstarfshæfni
  • Mjög góð þjónustulund, jákvætt og sveigjanlegt viðhorf
  • Leiðtogahæfni, frumkvæði, sjálfstæði í starfi og gott álagsþol
  • Árangurs- og lausnamiðuð hugsun
  • Þekking og reynsla af að leiða breytingar
  • Skipulagshæfni, nákvæmni og öguð vinnubrögð
  • Gott vald á íslensku og hæfni til að miðla upplýsingum í rituðu og töluðu máli

Þess er vænst að umsækjandi hafi reynslu af störfum þar sem reynt hefur á þessa eiginleika.

Umsókn skal fylgja ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum. 

Við ráðningar hjá LRH er tekið mið af jafnréttisáætlun embættisins. 

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu   sbr. 28. gr. a. lögreglulaga nr. 90/1996.

 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Sækja skal um stöðuna með rafrænum hætti á vef Starfatorgs, www.starfatorg.is

Æskilegt er að viðkomandi geti hafið störf við fyrsta tækifæri eða eftir nánara samkomulagi. 

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um skipun hefur verið tekin.

Umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna nr. 1000/2019 um auglýsingar á lausum störfum, sem settar eru samkvæmt heimild í 3. mgr. 7. gr. laga nr. 70/1996 um réttindi og skyldur starfsmanna ríkisins.

 

Starfshlutfall er 100%

Umsóknarfrestur er til og með 21.06.2021

Nánari upplýsingar veitir

Margrét Kristín Pálsdóttir - [email protected] - 444-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira