Hoppa yfir valmynd
SérfræðistörfHöfuðborgarsvæðið

Náttúrufræðingur eða lífeindafræðingur við vísindarannsóknina Blóðskimun til bjargar - Þjóðarátak gegn mergæxlum

Náttúrufræðingur eða lífeindafræðingur við vísindarannsóknina Blóðskimun til bjargar - Þjóðarátak gegn mergæxlum

Laust er til umsóknar starf náttúrufræðings, lífeindafræðings eða aðila með sambærilega menntun í fullt starf við vísindarannsóknina Blóðskimun til bjargar - Þjóðarátak gegn mergæxlum, sem hófst í nóvember 2016 og tilheyrir Læknadeild Háskóla Íslands. 

Ráðið er tímabundið til þriggja ára af styrkfé rannsóknarinnar. Viðkomandi þyrfti að geta hafið störf sem fyrst.

Rannsóknin Blóðskimun til bjargar er einstök á heimsvísu. Markmið hennar er að rannsaka árangur skimunar fyrir góðkynja einstofna mótefnahækkun (MGUS) sem er forstig mergæxlis. Verkefnið er unnið í samstarfi við Háskóla Íslands, Landspítala, Krabbameinsfélag Íslands og í alþjóðlegu samstarfi.  Öllum einstaklingum 40 ára og eldri sem eru búsettir á Íslandi var boðin þátttaka og skimað var fyrir forstigi mergæxlis hjá 74 þúsund einstaklingum.  

Sigurður Yngvi Kristinsson prófessor í blóðsjúkdómum leiðir rannsóknina og er hún gerð í samstarfi við rannsóknarhóp hans.

 

Helstu verkefni og ábyrgð

Starfsmaður á rannsóknarstofu gegnir veigamiklu hlutverki í rannsóknarteymi verkefnisins. Í verkahring hans verður m.a. 

  • Meðferð, flokkun og skráning sýna
  • Framkvæmd frumuflæðisrannsókna
  • Vinnsla sýna fyrir lífssýnasafn
  • Eingangrun plasmafruma úr beinmerg
  • Aðkoma að lífsýnasafni

Starfið er allt í senn spennandi, fjölbreytt og krefjandi. Miklu skiptir að viðkomandi sé skipulagður, leikinn í mannlegum samskiptum og lausnamiðaður. Einnig að viðkomandi sé drífandi og reiðubúinn að leggja sitt af mörkum til að stuðla að framgangi rannsóknarinnar.

Hæfniskröfur

  • B.Sc. gráða á sviði lífeindafræði, líffræði, lífefna- og sameindalíffræði eða sambærilegum greinum
  • Framhaldsmenntun sem nýtist í starfinu er æskileg
  • Reynsla af störfum á rannsóknastofu 
  • Reynsla af vinnu við frumur og frumuflæðisjá er kostur 
  • Reynsla af teymisvinnu
  • Sjálfstæð, skipulögð og lausnamiðuð vinnubrögð
  • Góð samskiptahæfni, nákvæmni, útsjónarsemi og jákvæðni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókninni:

  • Ferilskrá
  • Staðfest afrit af prófskírteinum
  • Upplýsingar um umsagnaraðila
  • Greinargerð þar sem áhuga fyrir verkefninu er lýst og fjallað um hvað umsækjandi getur lagt af mörkum til starfsins.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.

Háskóli Íslands er stærsta kennslu-, rannsókna- og vísindastofnun Íslands og eini skólinn hérlendis sem er á báðum virtustu matslistunum yfir bestu háskóla heims, Times Higher Education World University Rankings og Shanghai Ranking.

Starfshlutfall er 100%

Umsóknarfrestur er til og með 14.06.2021

Nánari upplýsingar veitir

Sigurður Yngvi Kristinsson - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira