Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur á blóð- og krabbameinslækningadeild

Hjúkrunarfræðingur á blóð- og krabbameinslækningadeild

Hefur þú áhuga á að starfa við hjúkrun sjúklinga með krabbamein og vera með í að móta krabbameinsþjónustu á Landspítala?

Hjúkrunarfræðingar óskast til starfa á blóð- og krabbameinslækningadeild. Deildin er 32 rúma legudeild og fer þar fram hjúkrun sjúklinga með krabbamein og illkynja blóðsjúkdóma. Við leggjum áherslu á einstaklingsmiðaða og heildræna þjónustu, fjölskylduhjúkrun, teymisvinnu og góðan starfsanda. Unnið er í vaktavinnu og er starfshlutfall og upphaf starfa samkomulag. 

Mikil gæða og umbótavinna er í gangi á deildinni og munum við fjölga verkefnum í vetur. Sérhæfð starfsþróun á vegum fagráðs krabbameinshjúkrunar er í boði og felst í starfþróun fyrir þá sem ráða sig í krabbameinsþjónustu. Til viðbótar við einstaklingshæfða starfsaðlögun á deild verður í boði öflug fræðsla og sérsniðinn stuðningur við þann nýráðna. 

Við bjóðum velkomna jafnt reynslumikla hjúkrunarfræðinga og nýútskrifaða því við teljum að breidd í þekkingu og reynslu sé mikilvæg. 

Helstu verkefni og ábyrgð

  • Veita sjúklingum og aðstandendum þeirra einstaklingsmiðaða hjúkrun, ráðgjöf og stuðning
  • Þátttaka í þverfaglegri teymisvinnu
  • Virkur þátttakandi í þróun og uppbyggingu þjónustunnar

Hæfniskröfur

  • Íslenskt hjúkrunarleyfi
  • Faglegur metnaður og áhugi á að starfa við krabbameinshjúkrun
  • Ábyrgð í starfi, góðir samskiptahæfileikar og jákvætt viðmót

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur

Starfshlutfall er 50-100%

Umsóknarfrestur er til og með 22.06.2021

Nánari upplýsingar veitir

Ragna Gústafsdóttir - [email protected] - 824 5931

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira